என் ரஜினி நலமாக இருக்க வேண்டும்: கமல்ஹாசன் உருக்கம்!

அரசியலுக்கு வருவது உறுதி, டிசம்பர் 31ஆம் தேதி கட்சி பற்றி அறிவிப்பு வெளியாகும் என ரஜினிகாந்த் தெரிவித்திருந்தார். எனினும், சில தினங்களுக்கு முன் ஹைதராபாத்தில் அண்ணாத்த படப்பிடிப்பு குழுவில் நான்கு பேருக்கு கொரோனா தொற்று இருப்பது உறுதியானது.

இதையடுத்து நடிகர் ரஜினிகாந்த் ஹைதராபாத் அப்பலோ மருத்துவமனையில் அனுமதிக்கப்பட்டு கொரோனா பரிசோதனை செய்துகொண்டார். அவருக்கு கோவிட்-19 முடிவு நெகடிவ் என வந்தது. எனினும், ரத்த அழுத்தத்தில் ஏற்றத்தாழ்வு இருந்ததால் மூன்று நாட்கள் மருத்துவமனை கண்காணிப்பில் வைக்கப்பட்டார்.

ரஜினியின் ஆதரவு எங்களுக்குதான் - அடித்துச் சொல்லும் அமைச்சர்!
இந்நிலையில், கட்சி தொடங்கப்போவதில்லை எனவும், அரசியலுக்கு வெளியே இருந்து மக்களுக்கு சேவை செய்யப்போவதாகவும் ரஜினிகாந்த் தெரிவித்துள்ளார். அவரது அறிவிப்பு ரசிகர்களில் ஒரு தரப்பினருக்கு ஏமாற்றத்தை அளித்துள்ளது. எனினும், அவர் உடல்நலத்துடன் இருக்க வேண்டுமென ஏராளமான ரசிகர்களும், அரசியல் தலைவர்களும், திரைப் பிரபலங்களும் வாழ்த்தியுள்ளனர்.

இந்நிலையில், ரஜினிகாந்த் நலமுடன் இருக்க வேண்டுமென கமல்ஹாசன் தெரிவித்துள்ளார். மக்கள் நீதி மய்யத்தின் பிரச்சாரக் கூட்டம் மயிலாடுதுறையில் இன்று நடைபெற்றது. இதில் பேசிய அக்கட்சியின் தலைவர் கமல்ஹாசன், “பிரச்சாரப் பயணம் முடிந்தபின் சென்னை சென்று ரஜினியை சந்திப்பேன்.

என்ன தைரியம் இருந்தால் 'அவர்' பெயரை பயன்படுத்துவீங்க ஜூலி?
என்னைப் பொறுத்தவரை ரஜினியின் ரசிகர்களின் மனநிலைதான் எனக்கும். சற்றே ஏமாற்றம் இருந்தாலும், அவரது ஆரோக்கியம் எனக்கே மிக முக்கியமான விஷயம். என் ரஜினி நலமாக இருக்க வேண்டும். எங்கிருந்தாலும் நலமாக வாழ வேண்டும்” என்று தெரிவித்துள்ளார்.