சென்னையில் லிப்ட்டுக்குள் சிறுமியை இழுத்து சென்ற நபரால் பதற்றம்!!

எக்மோரில் இருக்கும் தாய் சேய் நல மருத்துவமனையில் 10 வயது சிறுமியிடம் 35 வயதுக்காரர் தவறாக நடக்க முயற்சித்தது அதிர்ச்சியை ஏற்படுத்தியுள்ளது. இந்த சம்பவத்தால் அந்த சிறுமியின் பெற்றோர் அதிர்ச்சிக்கு உள்ளாகினர்.

தகாத செயலில் ஈடுபட முயன்றவர் மனநலம் பாதிக்கப்பட்டவர் என்று அவரது குடும்பத்தினர் பின்னர் தெரிவித்தனர். அத்துடன், மனநல மருத்துவமனையில் சிகிச்சை பெற்றதற்கான ஆதாரமாக சான்றிதழையும் சமர்ப்பித்தனர்.

கடந்த சனிக்கிழமை தனது உறவினர் ஒருவருக்கு பிறந்த குழந்தையைப் பார்ப்பதற்காக தந்தை மற்றும் தனது சகோதரியுடன் அந்த சிறுமி வந்துள்ளார். மூன்றாவது மாடிக்கு சென்ற இவர்கள் இரவு 8.30 மணிக்கு வீட்டுக்கு திரும்பியுள்ளனர். அப்போது, இந்த சம்பவம் நடந்துள்ளது.

ஏறக்குறைய 20 பேர் லிப்டில் ஏறுவதற்காக மூன்றாவது மாடியில் காத்துக் கொண்டு இருந்துள்ளனர். அப்போது லிப்ட் வரவும், அங்கிருந்த அந்த மனநலம் பாதிக்கப்பட்டவர் அந்த சிறுமியை திடீரென இழுத்துக் கொண்டு லிப்ட்டுக்குள் செல்ல முயற்சித்துள்ளார்.

ஈரோடு: சாமி சிலைகளை உடைத்த மர்ம நபர்கள்; போலீஸார் குவிப்பு!

தனது தந்தைதான் தனது கையைப் பிடித்து இழுத்துச் செல்வதாக முதலில் அந்த சிறுமி நினைத்துக் கொண்டு இருந்துள்ளார். பின்னர் வேறு நபர் என்று தெரிந்தவுடன் அந்த சிறுமி உதவிக்கு அழைத்துள்ளார். அங்கிருந்தவர்கள் அந்தக் குழந்தையின் அலறல் சத்தம் கேட்டு அந்த சிறுமியை காப்பாற்றினர். அந்த நபரையும் தாக்கினர்.

ஏடிஎம் கார்டு நம்பர் போதும்; உங்க பணம் அபேஸ் - வேலூரில் சிக்கிக் கொண்ட முதியவர்!

காவல்துறையினர் அந்த நபரை எக்மோர் காவல்துறைக்கு அழைத்து சென்றனர். முதலில் அந்த நபர் காவல்துறையினர் கேட்ட கேள்விகளுக்கு பதில் சொல்லாமல் தவிர்த்து வந்ததால், காவல்துறையினர் கோபம் அடைந்தனர். பின்னர்தான் அவர் மனநலம் பாதிக்கப்பட்டவர் என்பது அவரது குடும்பத்தினர் மூலம் காவல்துறையினருக்கு தெரிய வந்தது. அவரது குடும்பத்தினர் சான்றிதழையும் காண்பித்து அந்த நபரை அழைத்துச் சென்றனர்.
500 கோடியை வளைத்த கல்கி சாமியார் ‘எஸ்கேப்’: திகைக்கும் அதிகாரிகள்!