TN NEET Rank List: மருத்துவ படிப்புகளுக்கான தரவரிசை வெளியீடு! சென்னை கீர்த்தனா முதலிடம்

எம்பிபிஎஸ், பிடிஎஸ் மருத்துவ படிப்புகளுக்கான தரவரிசை பட்டியில் வெளியானது. சென்னையைச் சேர்ந்த கீர்த்தனா முதலிடம் பெற்றார்.

மருத்துவ படிப்பகளுக்கான தரவரிசைப் பட்டியலை சென்னை ஓமந்தூர் பல்நோக்கு மருத்துவமனையில் இன்று சுகாரதாரத்துறை அமைச்சர் விஜயபாஸ்கர் வெளியிட்டார். அதன்படி, சென்னையைச் சேர்ந்த கீர்த்தனா 676 மதிப்பெண்கள் எடுத்து முதல் இடத்தைப் பிடித்துள்ளார். இவர் ஏற்கனவே நீட் தேர்வில் மாநில அளவில் முதலிடம் பெற்றவர்.

இரண்டாம் இடத்தை 656 மதிப்பெண்கள் எடுத்து தருமபுரியைச் ராஜ் செந்தூர் என்பவரும், மூன்றாம் இடத்தை 644 மதிப்பெண்கள் எடுத்து சென்னையைச் சேர்ந்த பிரவீன் என்பவரும் பிடித்துள்ளார். ஒரு திருநங்கையின் விண்ணப்பமும் ஏற்கப்பட்டுள்ளது. மொத்தம் 27417 பேரின் விண்ணப்பங்கள் ஏற்கப்பட்டுள்ளன. ஜூன் மாதம் 1ம் தேதி முதல் 10ம் தேதி வரையில் முதற்கட்ட கலந்தாய்வு நடத்த திட்டமிடப்பட்டுள்ளது. மருத்துவ கவுன்சில் அனுமதித்துள்ள இடங்களில் மட்டுமே கலந்தாய்வு நடத்தப்படும் என்றும் கூறப்பட்டுள்ளது. தமிழகத்தைப் பொறுத்தவரையில் மொத்தம் 23 மருத்துவக்கல்லூரிகள் உள்ளன. இவற்றில் மொத்தம் 2,593 காலி இடங்கள் உள்ளன.