என்னென்ன தளர்வுகள்? மருத்துவ வல்லுநர்கள் அளித்த பரிந்துரைகள்!

தமிழ்நாட்டில் அடுத்தகட்ட ஊரடங்கில் என்னென்ன தளர்வுகள் அறிவிக்கலாம் என்பது குறித்து ஆலோசனை மேற்கொள்ள சென்னை தலைமைச் செயலகத்துக்கு மருத்துவ வல்லுநர்கள் குழு வருகை தந்தது.

முதலமைச்சர் மு.க.ஸ்டாலின் தலைமையில் 11 மணியளவில் ஆலோசனைக் கூட்டம் தொடங்கியது. இந்த ஆலோசனைக் கூட்டத்தில் மருத்துவ வல்லுநர்கள் பாதிப்பு குறையாத மாவட்டங்களில் தளர்வுகள் அறிவிக்க கூடாது என முதல்வருக்கு வேண்டுகோள்விடுத்தனர்.
பிடிஆர் பதவியை உருவும் ஸ்டாலின்? என்ன நடக்கிறது மேல் மட்டத்தில்?
*தொற்று குறைந்த மாவட்டங்களில் பெரிய வணிக வளாகங்கள், மால்களை திறக்க அனுமதியளிக்கலாம்.

*அதே சமயம் மால்களில் உள்ள திரையரங்குகள் திறக்க கூடாது.

*கடற்கரை, பூங்கா உள்ளிட்ட மக்கள் பொழுதுபோக்குக்காக கூடும் இடங்களுக்கு அனுமதி வழங்கப்படக் கூடாது.

*60 வயதுக்கு மேற்பட்டவர்களுக்கு கொரோனா தடுப்பூசி செலுத்துவதை கட்டாயமாக்கலாம்.

*வணிகர்களுக்கு கொரோனா தடுப்பூசி கட்டாயமாக்கப்பட வேண்டும்.
தமிழ்நாட்டில் எதற்கெல்லாம் அனுமதி? வெளியாகும் அதிகாரபூர்வ அறிவிப்பு!
பாதிப்பு அதிகமாக இருந்த 11 மாவட்டங்களில் கோவை, ஈரோடு, சேலம் ஆகிய மூன்று மாவட்டங்களில் பாதிப்பு குறையவில்லை என்று மருத்துவ வல்லுநர்கள் குறிப்பிட்டுள்ளனர். இதனால் அங்கு தளர்வுகள் மற்ற மாவட்டங்களைப் போல் அமல்படுத்தப்பட வாய்ப்பில்லை.

இதே போல் முதல்வர் மு.க.ஸ்டாலின் அதிகாரிகளிடமும் ஆலோசனை மேற்கொண்டு விரைவில் அதிகாரபூர்வ அறிவிப்பை வெளியிட உள்ளார்.