மேட்டுப்பாளையம் எம்.எல்.ஏ. சின்னராஜ் ஓ.பி.எஸ்.க்கு ஆதரவு

மேட்டுப்பாளையம் தொகுதி அதிமுக எம்.எல்.ஏ. சின்னராஜ் ஓ.பன்னீர்செல்வம் அணிக்கு ஆதரவு அளிப்பதாக அறிவித்துள்ளார்.

அதிமுக ஓ.பி.எஸ். மற்றும் சசிகலா தலைமையில் இரு அணிகளாகப் பிரிந்துள்ளது. இருவரும் ஆளுநரைச் சந்தித்து பேசிய பின்பும் ஆளுநர் அமைதி காப்பதால், இரு அணிகளுக்கும் இடையே முதல்வர் பதவிக்கான போட்டி நீடிக்கிறது.

நாளுக்கு நாள் ஓ.பன்னீர்செல்வம் அணிக்கு எம்.எல்.ஏ.க்கள் மற்றும் எம்.பி.க்கள் ஆதரவு அதிகரித்த வண்ணம் உள்ளது. இதனிடையே, ஜெயலலிதா, சசிகலா உள்ளிட்ட நால்வர் தொடர்புடைய சொத்துக்குவிப்பு வழக்கில் உச்சநீதிமன்றம் இன்று தீர்ப்பளிக்கிறது.

இந்நிலையில், மேட்டுப்பாளையம் தொகுதி அதிமுக எம்.எல்.ஏ. சின்னராஜ் ஓ.பன்னீர்செல்வம் அணிக்கு ஆதரவு அளிப்பதாக அறிவித்துள்ளார். இதன் மூலம் ஓ.பன்னீர்செல்வம் அணிக்கு மொத்தம் 10 எம்.எல்.ஏ.க்கள் ஆதரவு கிடைத்துள்ளது. மேலும், 12 எம்.பி.க்களின் ஆதரவும் உள்ளது.