”யார் அதிமுக பொதுச்செயலாளர்?”-சசிகலாவுக்கு உயர்நீதிமன்றம் நோட்டீஸ்..!

பொதுச் செயலாளராக சசிகலா நடராஜனை நியமிக்க எதிர்ப்பு தெரிவித்து நாடாளுமன்ற உறுப்பினர் சசிகலா புஷ்பா தொடர்ந்த வழக்கில்,சசிகலா நடராஜனுக்கும்,அதிமுக கட்சிக்கும் சென்னை உயர்நீதிமன்றம் நோட்டீஸ் அனுப்பி உத்தரவிட்டுள்ளது.

#சசிகலா நடராஜன், பொதுச் செயலாளராக தேர்வு செய்யப்படுவார் என, தகவல்கள் கூறப்படுகிறது. அவரை தேர்வு செய்ய, முதலமைச்சர் #ஓ.பன்னீர்செல்வம் உள்பட அதிமுக.,வின் மூத்த உறுப்பினர்கள் அனைவரும் ஆதரவு தெரிவித்தும் வருகின்றனர். இதனால், அவரே அதிமுக பொதுச் செயலாளராக தேர்வு செய்யப்படும் வாய்ப்பு அதிகம் உள்ளது.

அதேசமயம், சசிகலாவுக்கு எதிர்ப்பும் வலுத்து வருகிறது. இத்தகைய சூழலில், அதிமுக.,வில் இருந்து நீக்கப்பட்ட நாடாளுமன்ற எம்.பி., சசிகலா புஷ்பா, சசிகலா நடராஜனை அதிமுக பொதுச் செயலாளராக நியமிக்கக்கூடாது என வலியுறுத்தி, சென்னை உயர்நீதிமன்றத்தில் வழக்கு தொடர்ந்திருந்தார்.இந்த வழக்கானது அவசர வழக்காக கருதி,இன்று மதியம் 2 மணியளவில் விசாரணைக்கு வந்தது.

மனுவை விசாரித்த உயர்நீதிமன்ற நீதிபதிகள்,சசிகலா புஷ்பாவின் மனுவில் கூறப்பட்டுள்ள குற்றச்சாட்டுகள் குறித்து பதிலளிக்குமாறு சசிகலா நடராஜனுக்கு ,அதிமுக கட்சிக்கும் நோட்டீஸ் அனுப்ப உத்தரவிட்டனர்.

வரும் டிசம்பர் 24-ஆம் தேதி அதிமுக பொதுக்குழு கூடி, சசிகலாவை பொதுச்செயலாளராக தேர்ந்தெடுக்க திட்டமிட்டிருப்பதாக கூறப்பட்டு வந்த நிலையில்,உயர்நீதிமன்றத்தின் இந்த நடவடிக்கை சசிகலா நடராஜனுக்கு பின்னடைவாகவே கருதப்படுகிறது.

MHC issues notice to VK Sasikala & AIADMK in a plea by Sasikal Pushpa which ask to keep away VK sasikala from appointing as GS of admk