டிவிட்டரில் வேணா முதல்வர் ஆகலாம்; நிஜத்தில் பட்ட நாமம் தான்: அமைச்சர் ஜெயக்குமார்!

சென்னை: நடிகர் கமல் ஹாசனின் அரசியல் கருத்துக்களுக்கு அமைச்சர் ஜெயக்குமார் பதிலடி கொடுத்துள்ளார்.

நடிகர் கமல் ஹாசன் தனது அரசியல் பிரவேசம் குறித்து, தொடர்ந்து அதிரடியாக கருத்துக்களை பகிர்ந்து வருகிறார். 100 நாட்களில் தேர்தல் வந்தாலும், தனியாக நின்று முதலமைச்சர் ஆவேன் என்று கூறியிருந்தார்.

இதற்கிடையில் நேற்று டெங்கு காய்ச்சலை தடுக்க தவறிய அரசை கடுமையாக விமர்சித்திருந்தார்.

இந்நிலையில் செய்தியாளர்களிடம் பேசிய அமைச்சர் ஜெயக்குமார், டெங்குவை தடுக்க போர்க்கால அடிப்படையில் நடவடிக்கை எடுக்கப்பட்டு வருவதாக தெரிவித்தார். முதலமைச்சர் பதவி ஒன்றும் மார்க்கெட்டில் கிடைக்கும் பொருள் அல்ல என்று குறிப்பிட்டுள்ளார்.

முதலில் கவுன்சிலர் ஆகட்டும். பின் நகர்மன்ற தலைவர், எம்.எல்.ஏ, எம்.பி, அமைச்சர் என பதவி வகிக்க வேண்டும் என்று கூறினார். டிவிட்டரில் இருந்தால் மக்கள் ஏற்கமாட்டார்கள்.

மக்களுடன் மக்களாக இருக்க வேண்டும் என்று அமைச்சர் ஜெயக்குமார் தெரிவித்தார். கமல் சிவாஜி கணேசனின் கட்சியை நினைவு கூற வேண்டும் என்றும் கூறினார்.

Minister Jayakumar condemns Kamal Hassan reaction.