ஓபிஎஸ்-க்கு ஆதரவு? மீன்வளத்துறை அமைச்சர் ஜெயக்குமார் மறுப்பு

சென்னை: மீன்வளத்துறை அமைச்சர் ஜெயக்குமார், முதல்வர் பன்னீர்செல்வத்திற்கு ஆதரவு தெரிவித்துள்ளார் என்றும், விரைவில் அவர் பன்னீர்செல்வம் வீட்டிற்கு செல்லவுள்ளார் என்றும் வெளியான தகவலுக்கு ஜெயக்குமார் மறுப்பு தெரிவித்துள்ளார்.

அதிமுக தலைமைக்கு எதிராக அதிருப்தி தெரிவித்துள்ள பன்னீர்செல்வத்திற்கு ஆதரவு குவிந்து வருகிறது. அதிமுக மூத்த தலைவர்கள் பி.எஹ்.பாண்டியன், கேபி முனுசாமி, நத்தம் விஸ்வநாதன், மைத்ரேயன், மதுசூதனன் உள்ளிட்ட பல தலைவர்கள் அவருக்கு நேரில் சென்று தங்களது ஆதரவை தெரிவித்து வருகின்றனர்.

இந்நிலையில், மீன்வளத்துறை அமைச்சர் ஜெயக்குமார் முதல்வர் பன்னீர்செல்வத்திற்கு ஆதரவு தெரிவித்துள்ளார் என்றும், விரைவில் அவர் பன்னீர்செல்வம் வீட்டிற்கு செல்லவுள்ளார் என்றும் தகவல்கள் வெளியாகியுள்ளன. ஆனால், இந்த தகவலை மீன்வளத்துறை அமைச்சர் ஜெயக்குமார் மறுத்துள்ளார்.
Minister Jayakumar likely to support OPS; He may soon meet OPS: Reports