அமைச்சர் கயல்விழி செல்வராஜ் உடல்நிலை: ராஜீவ் காந்தி மருத்துவமனையில் அனுமதி!

தமிழ்நாடு ஆதிதிராவிடர் நலத் துறை அமைச்சர் கயல்விழி செல்வராஜ் சென்னை ராஜீவ் காந்தி அரசு மருத்துவமனையில் சிகிச்சைக்காக அனுமதிக்கப்பட்டுள்ளார்.

அமைச்சர் கயல்விழி செல்வராஜ் திடீர் காய்ச்சல், உடல் அசதி காரணமாக அவதிப்பட்டு வந்துள்ளார். அதைத் தொடர்ந்து சென்னை ராஜீவ் காந்தி அரசு தலைமை மருத்துவமனையில் சிகிச்சைக்காக அனுமதிக்கப்பட்டார்.

அங்கு அவருக்கு மருத்துவர்கள் உடல் பரிசோதனை மேற்கொண்டு சிகிச்சை அளித்து வருகின்றனர்.
ஆன்லைன் சூதாட்ட தடைச் சட்டம்: அரசிதழில் வெளியீடு - கடந்து வந்த பாதை!
அவருக்கு எந்த வகை காய்ச்சல் உள்ளது என்பதை கண்டறிய ரத்த பரிசோதனை மேற்கொள்ளப்பட்டது. இன்புளூயன்சா மற்றும் கொரோனா பரிசோதனையும் எடுக்கப்பட்டது.

பரிசோதனையில் அவருக்கு சாதாரண வகை காய்ச்சல் ஏற்பட்டது தெரியவந்துள்ளது. தொடர்ந்து மருத்துவர்கள் அவருக்கு சிகிச்சை அளித்து வருகின்றனர்.

அமைச்சர் கயல்விழி செல்வராஜ் உடல்நிலை மற்றும் சிகிச்சை குறித்து மருத்துவம் மற்றும் மக்கள் நல்வாழ்வுத்துறை அமைச்சர் விளக்கம் அளித்துள்ளார்.
தமிழகத்தில் ஆர்.எஸ்.எஸ் பேரணிக்கு அனுமதி; அரசின் மேல்முறையீடு தள்ளுபடி- உச்ச நீதிமன்றம் அதிரடி!
அமைச்சர் மா.சுப்பிரமணியன், “அமைச்சர் கயல்விழி செல்வ ராஜுக்கு சாதாரண காய்ச்சல்தான். எனவே நாளை வீடு திரும்ப ஆக வாய்ப்புள்ளது” என்று கூறியுள்ளார்.