குருமூர்த்திக்கு நாவடக்கம் வேண்டும் : அமைச்சர் செல்லூர் ராஜூ

துக்ளக் வார இதழின் ஆசிரியர் குருமூர்த்தி கருத்தை அதிமுக அமைச்சர் செல்லூர் ராஜூ விமர்சித்துள்ளார்.

அ.தி.மு.க.,வில் இருந்து, தினகரன் ஆதரவாளர்களின் பதவிகள் பறிக்கப்பட்டன. 'ஆறு மாதங்களை தாண்டிய பின், வலுவில்லாதவர்கள் நடவடிக்கை எடுத்திருக்கிறார்கள். இவர்கள் சரியான திறமையற்ற தலைவர்கள்' என, 'துக்ளக்' ஆசிரியரும், அரசியல் விமர்சகருமான, குருமூர்த்தி, டுவிட்டரில் கருத்தை பதிவு செய்தார் .

இந்த பதிவு அதிக பரபரப்பை ஏற்படுத்தியது. இந்த பதிவுக்கு கண்டனம் தெரிவிக்கும் வைகையில் அமைச்சர் ஜெயகுமார் பதிலுக்கு அவரை விமர்சித்தார். இதற்கு குருமூர்த்தி ’ தான் கூறியதை தவறாக புரிந்துகொண்டால் அதற்கு நான் பொறுப்பாக முடியாது என்று கூறினார்.

இதற்கு பதில் அளிக்கும் வகையில் அமைச்சர் செல்லூர் ராஜூ செய்தியாளர்களை சந்தித்தார் ’ சோ போன்ற மகத்தானவர்கள் பணியாற்றிய இடத்தில் இருக்கும் குருமூர்த்தி நாவாடக்கத்தோடு பேசியிருக்க வேண்டும் . அதிமுக அமைச்சர்களை பற்றி பேசுவதற்கு அவருக்கு என்ன அருகதை இருக்கிறது. அவர் நாவடக்கத்தோடு நடந்துகொண்டால் நல்லது அவருக்குத்தான் . அழகிரியின் கருத்தை பற்றி முக.ஸ்டாலின்தான் பதில் அளிக்க வேண்டும் என்று அவர் கூறினார்.