மீண்டும் திமுகவில் சேர்க்கக் கோரிக்கை; மு.க.அழகிரி ஆதரவாளர்கள் கையெழுத்து இயக்கம்!

மதுரை: மு.க.அழகிரி ஆதரவாளர்கள் கையெழுத்து இயக்கத்தை தொடங்க திட்டமிட்டுள்ளனர்.

திமுக தலைவர் கருணாநிதி மறைவிற்கு பின், கட்சியில் மீண்டும் சேர மு.க.அழகிரி தீவிரம் காட்டி வருகிறார். தன்னைச் சேர்க்காதது குறித்து, மு.க.ஸ்டாலின் உள்ளிட்டோர் மீது குற்றம்சாட்டினார்.

சென்னையில் அமைதி பேரணி, தொண்டர்களுடன் ஆலோசனை என தொடர் முயற்சியில் ஈடுபட்டுள்ளார். இதற்கிடையில் தனிக்கட்சி அல்லது தனி இயக்கம் தொடங்கவுள்ளதாக தகவல்கள் வெளியாகின.

ஆனால் அவை உண்மையல்ல என்று விளக்கம் அளிக்கப்பட்டது. இந்நிலையில் மதுரை சிம்மக்கல்லில் அண்ணாவின் 110வது பிறந்தநாளை ஒட்டி, அவரது சிலைக்கு மு.க.அழகிரி மாலை அணிவித்து மரியாதை செலுத்தினார்.

இந்த நிகழ்ச்சியில் அவரது ஆதரவாளர்களும் கலந்து கொண்டனர். இதையடுத்து அழகிரியின் ஆதரவாளர் மன்னன் கூறுகையில், அழகிரியையும், எங்களையும் உடனே திமுகவின் சேர்க்க வேண்டும்.

இதற்காக அழகிரியின் வீட்டில் இருந்து கையெழுத்து இயக்கம் தொடங்கி, திமுக தலைமைக்கு அனுப்ப இருக்கிறோம் என்று குறிப்பிட்டார்.

MK Alagiri supporters start signature campaign for rejoin DMK.