SUN-னோட SON-க்கே தடையா? மதுரையை கலக்கும் போஸ்டர்!

திமுகவின் தென்மண்டல அமைப்புச் செயலாளராக இருந்த மு.க.அழகிரியை கருணாநிதி உயிருடன் இருந்தபோதே கட்சியை விட்டு நீக்கிவிட்டார். இதற்குப் பிறகு திமுகவில் மீண்டும் இணைவதற்கான முயற்சிகளை மு.க.அழகிரி தரப்பில் இருந்து பலமுறை முன்னெடுக்கப்பட்டும் ஸ்டாலினிடம் இருந்து எந்த ரியாக்‌ஷனும் வரவில்லை.

இதனால் கொதிப்படைந்த அழகிரி விமான நிலையங்களில் செய்தியாளர்களைச் சந்திக்கும் போது, ஸ்டாலின் மீதான தனது கோபத்தை காட்டி வருகிறார். இதனால் குடும்ப உறவில் மேலும் விரிசல்கள் அதிகமானதே தவிர ஒற்றுமை ஏற்படவில்லை. இதையடுத்து செல்வி, தமிழரசு தரப்பில் இருந்து பேட்டிகளை தவிர்க்குமாறு கோரிக்கை வைக்கப்பட்டதை அடுத்து கடந்த சில மாதங்களாக அழகிரி எந்த ஊடகங்களிலும் பேட்டி கொடுக்காமல் அமைதி காத்து வருகிறார்.

மேலும், அவரது ஆதரவாளர்களும் ஸ்டாலினுடன் தன்னை இணைந்து செல்லுமாறு வலியுறுத்துவதால் அது தொடர்பான ஆலோசனைகளிலும், யோசனைகளிலும் மீண்டும் அழகிரி ஈடுபட்டுள்ளார். இதனிடையே பாஜக தரப்பில் இருந்து சென்ற அழைப்பையும் அவர் நிராகரித்தது கவனிக்கத்தக்கது.

முள் குத்தியதற்கு செய்தியாளர் சந்திப்பு: அதீத ஊடக வெளிச்சத்தால் ஊதித் திளைக்கிறாரா ரஜினி...

நீண்ட நாட்களுக்கு பிறகு கடந்த மாதம் வாடிப்பட்டியில் நடைபெற்ற நிகழ்ச்சி ஒன்றுக்கு சென்ற அழகிரிக்கு, திமுக கொடிகள் கட்டப்பட்டு, கருணாநிதி, ஸ்டாலின், அழகிரி ஆகியோர் படங்கள் இடம்பெற்றவாறு விளம்பரங்கள் கொடுக்கப்பட்டிருந்தன. அந்த திருமணத்திற்கு முன்பு வரை அவர் செல்லும் நிகழ்ச்சிகளில் திமுக கொடிகளோ, தோரணங்களோ கட்டப்படாது. ஆனால், வாடிப்பட்டி நிகழ்வு ஒரு பெரிய மாற்றமாகவே பார்க்கப்படுகிறது. இந்நிலையில் வரும் ஜனவரி 30ஆம் தேதி அழகிரி பிறந்தநாளை பெரியளவில் கொண்டாட அவரது ஆதரவாளர்கள் முடிவெடுத்துள்ளனர்.

நானும் தீவரவாதி தான் சார்: சீமான் கலகல வாக்குமூலம்!

மு.க.அழகிரியின் தீவிர விசுவாசிகளில் ஒருவர் கோபிநாதன். இவர் மதுரை முன்னாள் மேயர் தேன்மொழியின் கணவர். இவர்களின் மகன் பிரபாகரன் அழகிரி பிறந்தநாளுக்காக அடித்துள்ள போஸ்டர் தான் மதுரை மக்களின் கவனத்தை ஈர்த்துள்ளது. SUN னோட SON க்கே தடையா என்ற வாசகத்துடன் மதுரை சுவர்களில் பளிச்சிடுகிறது அந்த போஸ்டர். மேலும், ஒற்றுமையாய் இருந்து ஒன்றாய் பயணிப்போம் என்றும் அந்த போஸ்டரில் குறிப்பிடப்பட்டுள்ளது.

ரஜினிக்கு எதிரான வருமானவரித் துறை வழக்கு திடீரென வாபஸ்... 66 லட்சம் ரூபாய் 'ஹோகயா'

சட்டமன்ற பொதுத் தேர்தலுக்கு இன்னும் ஒரு ஆண்டு காலமே உள்ள நிலையில் இப்படியான போஸ்டர் ஓட்டப்பட்டிருப்பது திமுகவுக்குள் மீண்டும் வாரிசு யுத்தம் தொடங்குமோ என்ற கேள்வியையும் எழுப்பியுள்ளது.