பேராசிரியர் க.அன்பழகனுக்கு தீவிர சிகிச்சை; தொண்டர்களுக்கு மு.க.ஸ்டாலின் வேண்டுகோள்!

திமுக பொதுச் செயலாளராக பதவி வகித்து வருபவர் பேராசிரியர் க.அன்பழகன். இவர் முன்னாள் திமுக தலைவர் கருணாநிதியின் நெருங்கிய நண்பராக இருந்து வந்துள்ளார். சமீப காலமாக உடல்நலக்குறைவால் பாதிக்கப்பட்டு வந்தார்.

அதனால் கட்சியின் முக்கிய கூட்டங்களைத் தவிர, வேறு நிகழ்ச்சிகளில் பங்கேற்காமல் இருந்தார். இந்த சூழலில் நேற்று இரவு அன்பழகனுக்கு திடீரென உடல்நல பாதிப்பு ஏற்பட்டது.

இதையடுத்து சென்னை கிரீம்ஸ் சாலை அப்போலோ மருத்துவமனையில் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது. இதுகுறித்து தகவலறிந்த திமுக தலைவர் மு.க.ஸ்டாலின், நேரில் சென்று நலம் விசாரித்தார்.

இதையடுத்து செய்தியாளர்களிடம் பேசிய அவர், பேராசிரியர் க.அன்பழகனுக்கு காய்ச்சல் குறைந்துள்ளது. சில நாட்கள் தங்கி ஓய்வு எடுக்க வேண்டி உள்ளதால் அவரை சந்திக்க தொண்டர்கள் யாரும் வரவேண்டாம் என்று வலியுறுத்தியுள்ளார்.

MK Stalin asks DMK cadres to calm due to K. Anbazhagan treatment.