தமிழக முதல்வருடன் எதிர்க்கட்சித் தலைவர் ஸ்டாலின் சந்திப்பு

சென்னை: தமிழக முதல்வர் பன்னீர்செல்வத்தை எதிர்க்கட்சித் தலைவர் ஸ்டாலின் இன்று மாலை சந்தித்து பேச்சுவார்த்தை நடத்தவுள்ளார்.

திமுக பொதுக்குழுக் கூட்டம் அக்கட்சியின் பொதுச் செயலாளர் அன்பழகன் தலைமையில், திமுக தலைமை அலுவலகமான அண்ணா அறிவாலயத்தில் நடைபெற்றது. அதில், அக்கட்சியின் செயல் தலைவராக, திமுக-வின் பொருளாளரான ஸ்டாலின் அறிவிக்கப்பட்டார். இதற்கான தீர்மானத்தை பொதுச்செயலாளர் அன்பழகன் முன்மொழிந்தார். மேலும், செயல் தலைவர் பொறுப்பையும், பொருளாளர் பொறுப்பையும் அவர் சேர்ந்து கவனிப்பார் எனவும் தெரிவிக்கப்பட்டுள்ளது.

இதனையடுத்து, திமுக தலைவர் கருணாநிதியை அவரது இல்லம் அமைந்துள்ள கோபாலபுரத்தில் சந்தித்த ஸ்டாலின், அவரிடம் வாழ்த்துப் பெற்றார். அதனைத் தொடர்ந்து செய்தியாளர்களை சந்தித்த ஸ்டாலின், முதல்வரை சந்திக்க நேரம் கேட்டிருந்தேன். அதன்படி, இன்று மாலை 5 மணிக்கு சந்திக்க நேரம் ஒத்துக்கப்பட்டிருக்கிறது. எனவே, இன்று மாலை முதல்வரை சந்திக்கவுள்ளேன் என்றார்.

தமிழகத்தில் நிலவும் வறட்சி சூழல், விவசாயிகள் தற்கொலை உள்ளிட்ட பல்வேறு விவகாரங்கள் குறித்து முதல்வருடன் எதிர்க்கட்சித் தலைவர் ஸ்டாலின் ஆலோசனை நடத்துவார் என தெரிகிறது.
MK Stalin likely to meet TN CM today evening