இந்த ஆட்சி அம்பேல் ஆகும்! மு.க.ஸ்டாலின் ஆவேசம்!

தமிழகத்தில் நடக்கும் தற்போதைய ஆட்சி நியாமான முறையில் அகற்றப்படும் என்று திமுக செயல்தலைவர் மு.க.ஸ்டாலின் தெரிவித்துள்ளார்.

அதிமுகவின் இரு அணிகளும் விரைவில் இணையும் என்று முதல்வர் எடப்பாடி பழனிச்சாமி தெரிவித்துள்ளார். மேலும், ஓ.பன்னீர்செல்வமும் சில நாட்களில் இணைப்பு பற்றிய நல்ல முடிவு வரும் என்று கூறியுள்ளார். இன்று செய்தியாளர்களைச் சந்தித்த ஓபிஎஸ், அனைவரும் எதிர்பார்ப்பதைப் போலவே கூடிய விரைவில் அணிகள் இணைப்பு நடக்கும் என்று குறிப்பிட்டார்.

இந்நிலையில் இன்று செய்தியாளர்களுக்குப் பேட்டியளித்த மு.க.ஸ்டாலின், தமிழகத்தில் இப்போது நடக்கும் மக்கள் விரோத ஆட்சி நியாயமான முறையில் அகற்றப்படும் என்றார். மேலும், அரசு ஊழியர்களின் போராட்டங்கள் காவல்துறையின் உதவியுடன் அடக்குவதாக குற்றம்சாட்டிய அவர், அணிகள் இணைப்பு என்பது கமிஷன் அடிப்பதற்கான கூட்டணி என்றும் கடுமையாகச் சாடினார்.