எதிர்க்கட்சித் தலைவர் ஸ்டாலின் நாளை தில்லி பயணம்

சென்னை: தில்லியில் போராடி வரும் தமிழக விவசாயிகளுக்கு ஆதரவு தெரிவிக்க எதிர்க்கட்சித் தலைவர் ஸ்டாலின் நாளை தில்லி செல்கிறார்.

தமிழக விவசாயிகளின் கடனை தள்ளுபடி செய்ய வேண்டும். விவசாயிகளுக்கு வறட்சி நிவாரணம் வழங்க வேண்டும். விவசாயிகளின் தற்கொலையைத் தடுக்க நடவடிக்கை வேண்டும். காவிரி மேலாண்மை வாரியம் அமைக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, தேசிய தென்னிந்திய நதிகள் இணைப்பு விவசாயிகள் சங்க மாநிலத் தலைவர் அய்யாக்கண்ணு தலைமையில் தமிழக விவசாயிகள், தில்லியின் ஜந்தர் மந்தரில் தொடர் போராட்டத்தில் ஈடுபட்டு வருகின்றனர்.

இந்த போராட்டத்துக்கு பல்வேறு மாநில விவசாயிகள், அரசியல் கட்சிகள், விவசாய அமைப்புகள், பொதுமக்கள், திரைப்பிரபலங்கள் உள்ளிட்ட பலரும் ஆதரவு தெரிவித்துள்ளனர்.

போராட்டத்தில் ஈடுபட்டு வரும் விவசாயிகளை நேரில் சந்தித்த தமிழக ஆளுங்கட்சி, எதிர்க்கட்சி உறுப்பினர்கள், விவசாய பிரதிநிதிகளுடன் நேரில் சென்று மத்திய அமைச்சர்களை சந்தித்து கோரிக்கைகளை முன் வைத்துள்ளனர்.

இந்நிலையில், தில்லியில் போராடி வரும் தமிழக விவசாயிகளுக்கு ஆதரவு தெரிவிக்க எதிர்க்கட்சித் தலைவர் ஸ்டாலின் நாளை தில்லி செல்கிறார். அப்போது, ஹைட்ரோகார்பன் திட்டம் குறித்து பெட்ரோலியத்துறை அமைச்சரையும் அவர் சந்திக்க உள்ளார் எனவும் தகவல்கள் வெளியாகியுள்ளது.
MK Stalin travels to delhi to support farmers protest