இ-பாஸ் முறையை மொத்தமாய் ரத்து செய்யுங்க... அரசுக்கு ஸ்டாலின் மீண்டும் அட்வைஸ்!!

இ-பாஸ் முறையில் பல்வேறு தளர்வுகள் அளிக்கப்படுவதாகவும், விண்ணப்பித்த அனைவருக்கும் இ-பாஸ் வழங்கப்படும் எனவும் தமிழக முதல்வர் எடப்பாடி பழனிசாமி இன்று அறிவித்திருந்தார். ஆகஸ்ட் 17 ஆம் தேதி முதல் இந்த தளர்வுகள் நடைமுறைக்கு வரவுள்ளதாகவும் அவர் தமது உத்தரவில் தெரிவித்திருந்தார்.

தமிழக அரசின் இந்த அறிவிப்பு குறித்து, தமிழக எதிர்க்கட்சித் தலைவரும், திமுக தலைவருமான மு.க.ஸ்டாலின் தமது ஃபேஸ்புக் பக்கத்தில் பதிவு ஒன்றை வெளியிட்டுள்ளார்.

அதில், "இ-பாஸ் முறையில் தளர்வுகள் என்றும், விண்ணப்பித்த அனைவருக்கும் வழங்கலாம் என்றும் அரசு அறிவித்துள்ளது. இ-பாஸ் முறையை முற்றிலும் நீக்கவே நான் வலியுறுத்தி வந்தேன்.

அனைவருக்கும் இ-பாஸ்: முதல்வர் பழனிசாமி அதிரடி அறிவிப்பு!

எளிய மக்களுக்கு அதற்கு விண்ணப்பிப்பதற்கே அதிக சிரமம் உள்ளது. எனவே இப்போதும் அம்முறையை முழுமையாக அகற்றுங்கள் என்றே வலியுறுத்துகிறேன்.

அதேநேரத்தில் இத்தளர்வை மிக மிக அவசியமான பயணங்களுக்கு மட்டும் பயன்படுத்தி கவனமாக இருக்க வேண்டுமென பொதுமக்களைக் கேட்டுக் கொள்கிறேன்" என்று தமது முகநூல் பதிவில் ஸ்டாலின் தெரிவித்துள்ளார்.