பினராயி விஜயன் உடன் கமல் ஹாசன் முக்கிய சந்திப்பு; உண்மைக் காரணம் இதுதான்!

கொச்சின்: நடிகர் கமல் ஹாசன், கேரள முதல்வரை நேரில் சந்தித்து ஆலோசனை நடத்தியுள்ளார்.

மக்கள் நீதி மய்யம் என்ற பெயரில் நடிகர் கமல் ஹாசன் கட்சி தொடங்கியுள்ளார். இதன் தொடக்கத்தில் இருந்தே கேரள முதலமைச்சர் பினராயி விஜயனுடன், கமல் ஹாசன் நட்பில் இருந்து வருகிறார்.

இந்நிலையில் கொச்சியில் உள்ள போல்காட்டி பேலஸில் முதலமைச்சர் பினராயி விஜயனை, கமல் ஹாசன் சந்தித்து பேசியுள்ளார். 40 நிமிடங்கள் வரை நடைபெற்ற சந்திப்பில், மார்க்சிஸ்ட் கம்யூனிஸ்ட் கட்சியின் கேரள மாநிலச் செயலாளர் பி.ராஜூவ் உடனிருந்தார்.

இதில் கர்நாடக தேர்தல் நிலவரங்கள், நாட்டின் தற்போதைய அரசியல் நிலைமை குறித்து ஆலோசித்துள்ளனர்.

இதையடுத்து செய்தியாளர்களிடம் பேசிய கமல் ஹாசன், வரும் ஜூன் மாதம் கோவையில் மக்கள் நீதி மய்யம் சார்பில் பொதுக்கூட்டம் நடத்தப்பட உள்ளது. அதில் பங்கேற்க பினராயி விஜயனுக்கு அழைப்பு விடுத்தேன்.

அவரிடம் இருந்து பெறப்படும் தேதிகளில் இருந்தே, கோவை கூட்டத்தின் தேதிகள் முடிவு செய்யப்படும் என்று கூறினார்.

MNM Chief Kamal Haasan meets Kerala CM Pinarayi Vijayan.