நெகிழ்ச்சியுடன் நிறைவடைந்த கமல் - டி.என்.சேஷன் 2வது சந்திப்பு!

சென்னை: முன்னாள் தேர்தல் ஆணையர் டி.என்.சேஷனை, கமல் ஹாசன் 2வது முறையாக சந்தித்துள்ளார்.

நடிகர் கமல் ஹாசன் ‘மக்கள் நீதி மய்யம்’ என்ற பெயரில் புதுக்கட்சி தொடங்கியுள்ளார். மாவட்டந்தோறும் கட்சி நிர்வாகிகளை அறிவித்து, அரசியல் பணிகளை விறுவிறுப்பாக மேற்கொண்டு வருகிறார்.

இந்நிலையில் முன்னாள் தேர்தல் ஆணையர் டி.என்.சேஷனை, 2வது முறையாக கமல் இன்று சந்தித்துள்ளார்.

அப்போது, எப்படி கட்சி நடத்தப் போகிறீர்கள்? வழக்கமான கட்சி போல, நடத்தும் எண்ணம் இருந்தாலோ, ஓட்டுக்கு பணம் கொடுக்கும் எண்ணம் இருந்தாலோ, இப்போதே சொல்லி விடுங்கள். உங்களுக்கு உதவ மாட்டேன்' என்று டி.என்.சேஷன் கூறியுள்ளார்.

அதற்கு பதிலளித்த கமல் ஹாசன், அப்படி செய்ய ஆயிரம் கட்சிகள் இருக்கின்றன. நாங்கள் வேறுபட்டு, தூய எண்ணத்துடன், மக்கள் பணி ஆற்றவே புதுக் கட்சித் தொடங்கியுள்ளேன்.

உங்கள் ஆசியும், ஆதரவும் எனக்கு வேண்டும். ஒருவேளை நாங்கள் தவறு செய்தால், உரிமையுடன் சுட்டிக் காட்ட வேண்டும். எங்கள் பாதையை நல்வழிப்படுத்த வழிகாட்ட வேண்டும்.

அதற்காகத்தான், தொடர்ந்து உங்களை சந்திக்க திட்டமிட்டுள்ளேன் என்றார். இதைக் கேட்ட சேஷன் நெகிழ்ந்து போனதாக கமல் கட்சியினர் கூறுகின்றனர்.

MNM party leader Kamal Haasan meets T N Seshan in 2nd time.