அதிமுகவில் தொடரும் வேட்டை; டிடிவி ஆதரவாளர்கள் 100க்கும் மேற்பட்டோர் நீக்கம்!

சென்னை: டிடிவி தினகரன் ஆதரவாளர்கள் தொடர்ந்து, அதிமுகவில் இருந்து நீக்கப்பட்டு வருகின்றனர்.

ஆர்.கே.நகர் இடைத்தேர்தலில் சுயேட்சையாக நின்று, டிடிவி தினகரன் அபார வெற்றி பெற்றார். இதனால் அதிர்ச்சியுற்ற அதிமுகவினர், அதிரடி நடவடிக்கையில் ஈடுபட்டுள்ளனர்.

கட்சியில் டிடிவிக்கு ஆதரவாக செயல்படுவோரை நீக்கி வருகின்றனர். நேற்று மட்டும் 44 பேர் கட்சியின் அடிப்படை உறுப்பினர் மற்றும் பொறுப்புகளில் இருந்து கூண்டோடு நீக்கம் செய்யப்பட்டனர்.

இந்நிலையில் திருப்பூரில் முன்னாள் எம்.பி., சிவசாமி உள்ளிட்ட 65 நிர்வாகிகள், தர்மபுரியில் 65 நிர்வாகிகள், புதுக்கோட்டையில் 48 நிர்வாகிகளை அதிமுகவிலிருந்து நீக்கப்பட்டுள்ளதாக தெரிவிக்கப்பட்டுள்ளது.

அவர்களுடன் கட்சியினர் யாரும் எந்த தொடர்பும் வைத்து கொள்ளக்கூடாது எனக்கூறியுள்ளனர்.

இதுகுறித்து அதிமுக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி கே.பழனிச்சாமி வெளியிட்ட அறிக்கையில் தெரிவிக்கப்பட்டுள்ளது.

More than 100 TTV Supporters are removed from ADMK.