தமிழ்நாட்டில் ‘நம்மவர் மோடி ரத யாத்திரை’!

ரத யாத்திரை என்றால் இந்தியா முழுவதும் பாரதிய ஜனதா என்ற ஒரு கட்சி தான் உடனடியாக நினைவுக்கு வரும். தனது இந்துத்துவ கொள்கையை பரப்ப ரத யாத்திரை மேற்கொண்டது அக்கட்சி. தற்போது ஆட்சியிலிருக்கும் நிலையில் பாஜக மத்திய அரசின் திட்டங்களை விளக்க ரத யாத்திரை நடத்த உள்ளது.

பிரதான் மந்திரி ஜன்கல்யான்காரி யோஜனா பிரசார் அபியான் சார்பில் நாடு முழுதும் மக்களின் அடிப்படைத் தேவைகளை பூர்த்தி செய்ய வேலைவாய்ப்பை ஏற்படுத்துதல், பெண்களுக்கு சுய தொழில் செய்ய வங்கி கடனுதவி, சிறு தொழிலுக்கான முத்ரா கடனுதவி உள்ளிட்ட பல்வேறு நலதிட்டங்களை மக்களிடம் கொண்டு சேர்க்கும் பணியை செய்ய மத்திய அரசு பல்வேறு நடவடிக்கைகள் செய்து வருகிறது.

அதன் ஒரு பகுதியாக தமிழ்நாடு, புதுச்சேரி பகுதிகளுக்கு ஒருங்கிணைந்த நிர்வாகிகள் நியமிக்கப்பட்டுள்ளனர். இந்த நிர்வாகிகளின் அறிமுகக் கூட்டம் சென்னையில் நடை பெற்றது.

வன்முறையாளர்கள் சுயபரிசோதனை செய்ய வேண்டும்: வாஜ்பாய் சிலை திறப்பு விழாவில் மோடி பேச்சு

மாநில பொதுச் செயலாளர் ஜெய்கணேஷ் நிர்வாகிகளை அறிமுகப்படுத்தினார். மாநில கௌரவத் தலைவர்களாக ஓய்வு பெற்ற நீதியரசர்கள் கிருஷ்ணன், வள்ளிநாயகம் ஆகியோரும், பெண்கள் பிரிவு மாநிலச் செயலாளராக சசிகலா, பிரச்சார பிரிவு மாநிலச் செயலாளராக சூரிய நாராயணன், இளைஞர் பிரிவு மாநிலச் செயலாளராக கணேஷ், மாநில ஒருங்கிணைப்பாளராக ராம்குமார் ஆகியோர் நியமிக்கப்பட்டுள்ளனர்.

மோடிக்குக் கோயில், பழனிசாமி படத்திற்குப் பொட்டு அசர வைத்த பாஜக தொண்டர்!

மத்திய அரசின் நல திட்டங்கள் குறித்த விழிப்புணர்வை ஏற்படுத்த நம்மவர் மோடி ரத யாத்திரை ஜனவரியில் நடைபெற உள்ளது. இதற்காக மாநில ஒருங்கிணைப்பாளர் ராம்குமார் தமிழ்நாடு முழுவதும் சுற்றுப்பயணம் மேற்கொண்டு மாவட்ட வாரியாக புதிய நிர்வாகிகளைத் தேர்வு செய்து நியமிக்க உள்ளார்.

ஜிஎஸ்டி வரியைக் குறைக்க நிதி ஆயோக் பரிந்துரை!

கல்வியாளர்கள், பிரபல சமூக ஆர்வலர்கள், மக்கள் சேவையில் பல ஆண்டுகளாக இருப்பவர்கள், ஓய்வு பெற்ற நீதியரசர்கள், காவல்துறை அதிகாரிகள், பத்திரிகையாளர்கள் என மாவட்டம் தோறும் பல்வேறு தரப்பிலும் நிர்வாகிகளாக நியமிக்கப்பட உள்ளனர். இவர்களை கண்டுபிடித்து நியமிக்கத்தான் ஜனவரியில் நம்மவர் மோடி ரத யாத்திரை நடைபெற உள்ளது. சுமார் 250 இரு சக்கர வாகனங்களின் பேரணியும் நடைபெற உள்ளது.