கேளிக்கை வரி சட்டம் இன்று முதல் அமல்

சென்னை: புதிய கேளிக்கை வரிச்சட்டம் இன்று(ஜூலை-1) முதல் அமல்படுத்தப்படுவதாக சென்னை மாநகராட்சி அறிவித்துள்ளது.

உள்ளாட்சி அமைப்புகள் மூலம் 30 சதவீதம் கேளிக்கை வரி வசூலிக்க தமிழக அரசு ஆணை வெளியிட்டு உள்ளது. தமிழகத்தில் கடந்த 1993 ஆம் ஆண்டு கேளிக்கைகள் வரிச் சட்டம் நீக்கப்பட்டது. இந்நிலையில், 2017- புதிய கேளிக்கைகள் வரிச்சட்டம் இன்று முதல் அமல்படுத்தப்படுகிறது. சென்னையில் உள்ள நிறுவனங்கள் சென்னை மாநகராட்சியில் பதிவு செய்ய வேண்டும் என்றும் கேளிக்கை வரியினை சென்னை மாநகராட்சியில் செலுத்த வேண்டும் என்றும் தெரிவிக்கப்பட்டுள்ளது.

ஜூன்-30 வரையிலான கேளிக்கை வரியினை வணிகவரித்துறையில் செலுத்தலாம். திரைப்பட கேளிக்கை வரியினை ஜூலை-4 முதல் சென்னை மாநகராட்சியில் செலுத்தலாம். அதன் பிறகு பிரதிவாரம் செவ்வாய்க்கிழமைகளில் கேளிக்கை வரியை செலுத்த வேண்டும் என அறிவிக்கப்பட்டுள்ளது.

இதனிடையே, ஜிஎஸ்டி மற்றும் தமிழக அரசின் கேளிக்கை வரி உயர்வுக்கு திரையரங்க உரிமையாளர்கள் கடும் எதிர்ப்பு தெரிவித்துள்ளனர். மேலும், தமிழக அரசின் 30% கேளிக்கை வரியை ரத்து செய்ய கோரி, ஜூலை 3ஆம் தேதி முதல் தமிழகம் முழுவதும் உள்ள அனைத்து திரையரங்குகளும் மூடப்படும் என திரையரங்க உரிமையாளர்கள் சங்கம் தெரிவித்துள்ளது.

New Entertainment Tax will be implemented from today onwards. TN theatres Association had announced strike from July 3, for opposing 30% Entertainment tax.