மதுரை திரையரங்குகளில் சிறப்புக் காட்சி திரையிட இடைக்காலத் தடை

சென்னை உயர்நீதிமன்ற மதுரைக் கிளை, மதுரையில் உள்ள திரையரங்குகளில் சிறப்பு காட்சிகள் திரையிடுவதற்கு இடைக்கால தடை விதித்து உத்தரவு பிறப்பித்துள்ளது.

மகேந்திர பாண்டியன் என்பவர், தமிழகத்தில் உள்ள பல திரையரங்குகளில் உச்ச நட்சத்திர நடிகர்கள் நடித்த படங்கள் வெளியாகும் போது, சிறப்புக் காட்சிகளை திரையிட்டு அதற்கு ரூ. 1000 மேல் கட்டணம் வசூலிக்கப்படுவதாக மதுரை உயர்நீதிமன்றக் கிளையில் வழக்குத் தொடர்ந்தார்.

இதை விசாரித்த நீதிபதிகள், மதுரையில் உள்ள திரையரங்குகளில் சிறப்பு காட்சிகள் திரையிடுவதற்கு இடைக்கால தடை விதித்தனர். மேலும், மத்திய கலால் வரித்துறையினர் சிறப்பு காட்சிகள் ஏற்படும் வரி வருவாய் இழப்பு குறித்து பதிலளிக்க வேண்டும் எனவும், மாவட்ட ஆட்சியர், மாநகராட்சி ஆணையர் ஆகியோருக்கு உத்தரவு பிறப்பித்தனர்.