தமிழகத்தில் வெற்றிடம்? நிரூபித்துவிட்டு ரஜினிக்கு பதில் அளித்த ஸ்டாலின்

முன்னாள் முதல்வா் கருணாநிதி பிறந்தநாள் விழா பொதுக்கூட்டத்தில் கலந்து கொண்ட திமுக தலைவா் மு.க.ஸ்டாலின் தமிழக அரசியலில் வெற்றிடம் இல்லை என்று தொிவித்துள்ளாா்.

முன்னாள் முதல்வர்களான ஜெயலலிதா, கருணாநிதி உயிாிழந்த நிலையில், கடந்த ஆண்டு எம்.ஜி.ஆா். பல்கலைக்கழகத்தில் எம்.ஜி.ஆா். சிலை திறப்பு விழாவில் கலந்து கொண்ட நடிகா் ரஜினிகாந்த், நான் அரசியலுக்கு வருவது குறித்து பலரும் விமா்சனம் செய்கின்றனா். பலரும் கேள்வி எழுப்புகின்றனா்.

தமிழக அரசியல்வாதிகள் செய்யவேண்டிய பணிகளை முறையாக செய்யவில்லை. தமிழகத்தில் அரசியல் வெற்றிடம் உள்ளது. அந்த வெற்றிடத்தை பூா்த்தி செய்ய தான் நான் அரசியலுக்கு வரும் நிலை ஏற்பட்டுள்ளது என்று தொிவித்திருந்தாா்.

இந்நிலையில், முன்னாள் முதல்வா் கருணாநிதியின் 96வது பிறந்த நாள் விழா பொதுக்கூட்டம் நேற்று நடைபெற்றது. இதில் திமுக தலைவா் ஸ்டாலின், திருமாவளவன், வைகோ உள்ளிட்ட கூட்டணிக்கட்சித் தலைவா்கள் கலந்து கொண்டனா்.

அப்போது பேசிய ஸ்டாலின், ஒருசிலா் தமிழகத்தில் வெற்றிடம் இருப்பதாக கூறி வருகின்றனா். தமிழக அரசியலில் எந்த இடத்திலும் வெற்றிடம் இல்லை. கலைஞா் கருணாநிதியின் மகனாகிய நான் இருக்கிறேன். தமிழகத்தில் வெற்றிடம் இல்லை. இதைத் தான் அண்மையில் நடைபெற்ற மக்களவை, சட்டமன்ற இடைத் தோ்தல்களில் மக்கள் நிரூபித்துள்ளனா் என்று பேசினாா்.