அசல் ஓட்டுநர் உரிமம் கட்டாயம் இல்லை: தமிழக அரசு

சென்னை: வரும் செப்டம்பர் 4ஆம் தேதி வரை வாகன ஓட்டுநர்கள் அசல் ஓட்டுநர் உரிமத்தை எப்போதும் கையில் வைத்திருக்க வேண்டிய கட்டாயம் இல்லை என்று தமிழக அரசு தெரிவித்துள்ளது.

வாகன ஓட்டுநர்கள் செப்டம்பர் 1ஆம் தேதி முதல் எப்போதும் அசல் ஓட்டுநர் உரிமத்தை கையில் வைத்திருக்க வேண்டும் என்று தமிழக போக்குவரத்துதுறை அமைச்சர் எம்.ஆர்.விஜயபாஸ்கர் அறிவித்தார். இன்று முதல் இந்த உத்தரவு அமலாகிறது.

இந்நிலையில் தமிழக அரசின் இந்த உத்தரவுக்கு எதிரான வழக்கு சென்னை உயர்நீதிமன்றத்தில் இன்று விசாரணைக்கு வந்தது. அப்போது, வரும் செப்டம்பர் 4ஆம் தேதி வரை வாகன ஓட்டுநர்கள் அசல் ஓட்டுநர் உரிமத்தை எப்போதும் கையில் வைத்திருக்க வேண்டிய கட்டாயம் இல்லை என்று தமிழக அரசு தரப்பில் தெரிவிக்கப்பட்டுள்ளது.