அடுத்த ஹேஷ்டேக் ரெடி... ட்விட்டரில் ட்ரெண்டாகும் ஓசி ஊத்தப்ப திமுக

தேர்தல் நெருங்கும் சமயங்களில் திமுகவினர் மீது சில்லறைத்தனமான குற்றச்சாட்டுகல் அதிகரிப்பது வழக்கம். கடந்த 2019ஆம் ஆண்டு நடைபெற்ற மக்களவைத் தேர்தலின் போது பிரியாணிக் கடை, பஜ்ஜிக்கடை உள்ளிட்ட இடங்களில் பில் கொடுப்பது தொடர்பான பிரச்சினையில் திமுகவைச் சேர்ந்தவர்கள் தாக்குதல் நடத்திய சம்பவங்கள் வேகமாக வைரலாகின.

இதைத் தொடர்ந்து திமுக தலைவர் மு.க.ஸ்டாலின், சம்பந்தப்பட்ட கடைகளுக்கு நேரில் சென்று மன்னிப்பும் கேட்டார். இதனையடுத்து பிரச்சினையின் வீரியம் குறைந்ததே குறைந்ததே தவிர, இதனால் ஏற்பட்ட களங்கத்தைத் துடைக்க முடியவில்லை. #ஓசி_பிரியானி_திமுக #ஓசி_பஜ்ஜி_திமுக என்ற தனியடைவுகள் சமூக வலைதளங்களில் அப்படியே தங்கி விட்டன.

இந்நிலையில், தற்போது #ஓசி_ஊத்தப்ப_திமுக என்ற தனியடைவு பிரபலமாகி வருகிறது. மயிலாடுதுறை மாவட்டத்தில் மதுபோதையில் இருந்த இளைஞர்கள் ஒரு உணவகத்துப் போய் ஊத்தப்பம் ஆர்டர் செய்துள்ளனர். ஆனால், கடையில் ஊத்தப்பம் இல்லாததால் போதையில் கடைக்காரர்களுடன் சண்டை போட்டுள்ளனர்.

ட்விட்டரில் டிரெண்டான ஓசி பிரயாணி தி.மு.க




இந்த இளைஞர்களில் ஒருவர் மயிலாடுதுறை திமுக பிரமுகரின் மகன் என்பதையடுத்து ஓசி ஊத்தப்ப திமுக என்பது ட்ரெண்ட் ஆகத் தொடங்கியுள்ளது. ஏற்கனவே பாஜக, அதிமுக ஆகிய கட்சிகள் இணைய வழிப் பிரசாரத்தில் படுதீவிரமாக இயங்கி வரும் நிலையில், இந்த ஓசி பஜ்ஜி திமுக விவகாரம் இன்னும் கூடுதலாக பற்றியெரியத் தொடங்கியுள்ளது.

DMK Yuvraj: பிரியாணி கடை தாக்குதல்: யுவராஜின் நண்பர்கள் 7 பேர் கைது!