ஆப்நகரம்

கதிராமங்கலம் ஓஎன்ஜிசி குழாயில் மீண்டும் உடைப்பு

தஞ்சை: கதிராமங்கலத்தில் ஓ.என்.ஜி.சி.க்குச் சொந்தமான எண்ணெய்க் குழாயில் இன்று காலை மீண்டும் உடைப்பு ஏற்பட்டுள்ளது.

TNN 6 Jul 2017, 8:13 am
தஞ்சை: கதிராமங்கலத்தில் ஓ.என்.ஜி.சி.க்குச் சொந்தமான எண்ணெய்க் குழாயில் இன்று காலை மீண்டும் உடைப்பு ஏற்பட்டுள்ளது.
Samayam Tamil oil leaks again from ongc firm in kathiramangalam
கதிராமங்கலம் ஓஎன்ஜிசி குழாயில் மீண்டும் உடைப்பு


தஞ்சாவூர் மாவட்டம் கும்பகோணம் அருகே உள்ள கதிராமங்கலத்தில் ஓ.என்.ஜி.சி. குழாயில் மீண்டும் உடைப்பு ஏற்பட்டுள்ளது. இந்த முறை பெரியகடைத்தெருவில் உள்ள குழாயில் உடைப்பு ஏற்பட்டு கச்சா எண்ணெய் வெளியேறுகிறது. ஏற்கனவே வனதுர்க்கை அம்மன் கோவில் அருகே குழாயில் உடைப்பு ஏற்பட்டு சரி செய்யப்பட்டுள்ள நிலையில் திரும்பவும் உடைப்பு ஏற்பட்டுள்ளது.

கதிராமங்கலத்தில் கடந்த 2002 ஆம் ஆண்டு ஓ.என்.ஜி.சி. சார்பில் எண்ணெய்க் கிணறுகள் அமைக்கப்பட்டது. கடந்த மாதம் 30ஆம் தேதி எண்ணெய்க் குழாய் ஒன்றில் முன் உடைப்பு ஏற்பட்டது. இதனால், அந்த இடத்திலிருந்து ஓ.என்.ஜி.சி. எண்ணெய்க் குழாய்களை அகற்றக்கோரி பொதுமக்கள் போராட்டம் நடத்தினர். அவர்களைக் கட்டுப்படுத்த கூடிய போலீசார்களுடன் திடீரென மோதல் மூண்டது. இதில், பலர் காயமடைந்தனர்.

இதனிடையே, உடைந்த குழாயிலிருந்து வெளியேறிய எண்ணெய்க்கு அடையாளம் காணப்படாத நபர் தீ வைத்ததால், பதற்றம் ஏற்பட்டது. அப்போது, போராட்டக்காரர்கள் மீது போலீசார் தடியடி நடத்தியதாகக் கூறப்படுகிறது. போலீசாரைக் கண்டித்து அங்கு கடைகள் அடைத்து மக்கள் போராட்டம் நடத்தினர். இதனால், அங்கு ஏராளமான போலீசார் குவிக்கப்பட்டனர்.

இப்போராட்டத்தில் மீத்தேன் திட்ட எதிர்ப்பு கூட்டமைப்பு ஒருங்கிணைப்பாளர் ஜெயராமன் உள்ளிட்ட 9 பேர் கைதுசெய்யப்பட்டு சிறையில் அடைக்கப்பட்டனர்.

இதைத் தொடர்ந்து சிறையில் அடைக்கப்பட்டவர்களை ஜாமீனில் விடுவிக்கக்கோரிய மனுவை தஞ்சை மாவட்ட முதன்மை அமர்வு நீதிமன்றம் தள்ளுபடி செய்துள்ளது.

அடுத்த செய்தி