ஓலா, ஊபர் டிரைவர்கள் வேலைநிறுத்தத்தால், விண்ணைத் தொட்ட டாக்ஸி கட்டணம்!

பல்வேறு கோரிக்கைகளை வலியுறுத்தி நாடு முழுவதும் ஓலா, ஊபர் டாக்சி டிரைவர்கள் வேலைநிறுத்த ஆர்ப்பாட்டத்தில் ஈடுபட்டுள்ளனர். இதனால் டாக்ஸி கட்டணம் இருமடங்கு உயர்ந்துள்ளது.

ஓலா, ஊபர் போன்ற தனியார் நிறுவனங்கள் மக்களிடம் குறைந்த கட்டணம் வசூலித்து டாக்சி சேவைகளை நடத்தி வருகிறது. ஆனால், பிரபலமான இந்த நிறுவனத்தில், பல டிரைவர்கள் பல லட்சம் ரூபாய் செலவு செய்து கார்களை வாங்கி வேலைக்கு சேர்ந்துள்ளனர்.

இந்நிலையில், தங்களுக்கு வரும் வருமானத்தில் பெரும் சதவீதத்தை தனியார் நிறுவனங்கள் எடுத்துக் கொள்வதாகவும், அதிக டார்கெட் கொடுப்பதாகவும், சலுகைகளை குறைத்து வழங்குவதாகவும் டாக்சி டிரைவர்கள் குற்றம் சாட்டினர். இதனால், நாடு முழுவதும் ஓலா, ஊபர், பாஸ்ட்டிராக் உள்ளிட்ட நிறுவனங்களின் டாக்ஸி டிரைவர்கள் ஒரு நாள் வேலை நிறுத்தத்தில் ஈடுப்பட்டுள்ளனர்.

இதையடுத்து அலுவலகம் உள்ளிட்ட இடங்களுக்கு செல்ல டாக்ஸி பயன்படுத்துபவர்கள் பெரிதும் அவதிப்பட்டுள்ளனர். ஒரு சில டாக்ஸிகள் மட்டுமே இயக்கப்படுவதால், டாக்ஸிக்கு பல மணிநேரம் காத்திருக்க வேண்டியுள்ளது. அதுமட்டுமின்றி, டாக்ஸி கட்டணமும் இரு மடங்கு உயர்த்தப்பட்டுள்ளதால் மக்கள் பாதிக்கப்பட்டுள்ளனர்.