11, 12 ஆம் வகுப்புகளுக்கு பழைய பாடத் திட்டமே தொடரும்: தமிழக அரசு அறிவிப்பு

பிளஸ் 1, பிளஸ் 2 வகுப்புகளில் ஏ, பி, சி,டி என நான்கு முக்கிய பாடப்பிரிவுகளும், உட்பிரிவுகளும் உள்ளன. இளநிலை பட்டப்படிப்பில் மருத்துவம், பொறியியல், வணிகவியல், கலை மற்றும் அறிவியல் பட்டப்படிப்புகள் உள்ளிட்ட படிப்புகளில் எந்த பட்டப்படிப்பை தேர்ந்தெடுக்க லேண்டுமென்று மாணவர்கள் இலக்கு நிர்ணயித்துள்ளனரோ, அதனை கருத்தில் கொண்டு பள்ளி மேல்நிலைப் படிப்பில் அவர்கள் பாடப் பிரிவுகளை தேர்ந்தெடுக்க வேண்டியது அவசியமாகிறது.

இந்த நிலையில், பழைய பாடத் தொகுப்பு முறையில் ஏ, பி, டி பிரிவுகளில இடம்பெற்றிருந்த கணிதம், இயற்பியல், வேதியியல் பாடங்களின் பிரிவு எண்ணிக்கை, புதிய பாடத்தொகுப்பில் அதிரடியாக குறைக்கப்படும் என்று அரசு அறிவித்திருந்தது.

இதேபோன்று தொழிற்கல்வி மாணவர்களுக்கு (டி பிரிவு) கணினி பயன்பாடு பாடமும் நீக்கப்பட்டிருந்து. மேலும் வணிகவியல், கணக்குப் பதிவியல், பொருளியல், வரலாறு ஆகிய பாடப் பிரிவுகளிலும் சர்ச்சைக்குரிய மாற்றங்களும் செய்யப்பட்டிருந்தன.

+1 +2 பாடத்திட்டம்: சரியான ‘வாபஸ் பழனிசாமி’... எடப்பாடியைத் தாக்கும் ஸ்டாலின்

பல்வேறு பாடப்பிரிவுகளில் கணிதம், அறிவியல், வேதியியல், கணினி அறிவியல் ஆகிய முக்கிய பாடங்கள் இடம்பெறுவதை குறைத்தால் மாணவர்களின் உயர்க் கல்வியிலும், வேலைவாய்ப்பிலும் சிக்கல்கள் ஏற்படும் என்று பல்வேறு தரப்பிலிருந்தும் எதிர்ப்புகள் தெரிவிக்கப்பட்டன.

இதனையடுத்து, 11, 12 ஆம் வகுப்புகளுக்கு பழைய பாடத்தொகுப்பு திட்டமேcurriculum for class 12தொடரும் என்றும், மாணவர்களின் நலனைக் கருத்தில் கொண்டு இந்த முடிவு எடுக்கப்பட்டுள்ளதாகவும் தமிழக பள்ளிக் கல்வித் துறை தெரிவித்துள்ளது.

ஆன்லைன் கல்விக்குத் தடை விதிக்க முடியாது: உயர் நீதிமன்றம்

தமிழக அரசின் இந்த அறிவிப்பை தமிழ்நாடு அரசு ஊழியர்கள் ஆசிரியர்கள் நல கூட்டமைப்பின் நிறுவன தலைவர் சா. அருணன் உள்ளிட்டோர் வரவேற்றுள்ளனர்.