இடிந்து விழுந்த சென்னை சில்க்ஸ் கட்டிடம் : தங்க லாக்கர் சிக்கியதா ?

திநகர் சென்னை சில்க்ஸ் கட்டித்தின் ஒரு பகுதி இன்று காலை திடீரென இடிந்து விழுந்தது. இதில் 3 டன் எடை கொண்ட தங்க லாக்கர் சிக்கியுள்ளதாக தகவல்கள் வெளியாகியுள்ளது.

திநகரில் செயல்ப்பட்டு வந்த சென்னை சில்க்ஸ் கட்டிடத்தில் சில நாட்களுக்கு முன்னர் தீ விபத்து ஏற்பட்டது . இந்த தீ விபத்தில் மொத்த கட்டிடமும் திக்கிரையானது. இதனையடுத்து அந்த கட்டிடத்தை இடிக்கும் பணிகள் நடைப்பெற்றுவந்தது. இதனையடுத்து அந்த கட்டிடத்தை சுற்றிய 100 மீட்டர் பகுதியில் மக்கள் செல்வதை போலீசார் தடை செய்தனர்.


இதனையடுத்து கடந்த சனிக்கிழமை ஏற்பட்ட விபத்தில் கிரேன் இயக்குபவர் உயிரிழந்தார். இதை தொடர்ந்து இடிப்புப்பணி நிறுத்தி வைக்கப்பட்டிருந்தது. இந்த நிலையில் இன்று காலை, கட்டடத்தின் ஒரு பகுதி திடீரென இடிந்து விழுந்தது. விழுந்ததும் அந்த இடம் முழுவதும் புகை மண்டலமாக காட்சியளித்தது.

இந்த கட்டிடம் இடிந்து விழுந்த போது தரைதளம் மற்றும் முதல் மாடியில் வைக்கப்பட்டுள்ள 400-கோடிக்கு மதிப்புக்கு மேலான தங்க லாக்கர் சிக்கி இருப்பதாக தகவல்கள் வெளியாகியுள்ளது.