ஆன் -லைன் தேர்வு: பல்கலைக்கழகம் வாரியாக தேதிகள் அறிவிப்பு!!

கொரோனா அச்சம் காரணமாக, நாடு முழுவதும் பள்ளிகள், கல்லூரிகள் உள்ளிட்ட கல்வி நிறுவனங்கள் கடந்த மார்ச் மாதம் முதல் மூடப்பட்டுள்ளன. கல்வி நிலையங்கள் தொடர்ந்து ஆறு மாதங்களாக திறக்கப்படாமல் உள்ளதால் 2019- 20 கல்வியாண்டில், ஆண்டு இறுதித் தேர்வை நடத்த முடியாமல் போனது.

இதையடுத்து, பல்கலைக்கழகங்கள், கல்லூரிகளில் முதுநிலை மற்றும் இளநிலைப் பட்டப்படிப்புகளில் முதலாம், இரண்டாமாண்டு படிக்கும் மாணவர்கள் ஆல் -பாஸ் என்று அறிவிக்கப்பட்டது.

அதே சமயம் இறுதியாண்டு பயிலும் மாணவர்களுக்கான பருவத் தேர்வு ரத்து செய்யப்படாது என்று அறிவிக்கப்பட்டிருந்தது. இதனையடுத்து, மாணவர்களின் பாதுகாப்பை கருத்தில் கொண்டு, ஆண்டு இறுதி பருவத் தேர்வுகளை ஆன்-லைன் மூலம் நடத்த முடிவு செய்யப்பட்டது.

மருத்துவப் படிப்பில் அரசு பள்ளி மாணவர்களுக்கு உள் ஒதுக்கீடு: சட்டப்பேரவையில் மசோதா நிறைவேற்றம்!

அதன்படி, அண்ணா பல்கலைக்கழகம், சென்னை பல்கலைக்கழகம் உள்ளிட்டவற்றிலும், இந்த பல்கலைக்கழகங்களின் கீழ் இயங்கும் கல்லூரிகளைச் சேர்ந்த இறுதியாண்டு மாணவர்களுக்கான தேர்வு தேதிகளை அறிவித்து அரசாணை வெளியிடப்பட்டுள்ளது.

சென்னை பல்கலைக்கழகம், பாரதிதாசன் பல்கலைக்கழகம் ஆகியவற்றில் செப்டம்பர் 21 ஆம் தேதி முதல் செப்டம்பர் 25 ஆம் தேதி வரை தேர்வு நடைபெறும் என்று அறிவிக்கப்பட்டுள்ளது. அண்ணா பல்கலைக்கழகத்தை சேர்ந்த மாணவர்களுக்கு செப்டம்பர் 22 முதல் 29 ஆம் தேதி வரை தேர்வுகள் நடத்தப்படவுள்ளன.

13 மாணவர்கள் தற்கொலைக்கு திமுகதான் காரணம் - பேரவையில் கொந்தளித்த முதல்வர்!!

இதேபோன்று, மதுரை காமராஜர் பல்கலைக்கழம் செப்டம்பர் 17 முதல் 30 ஆம் தேதி வரையும், பாரதியார் பல்கலைக்கழகம் செப்டம்பர் 21 ஆம் தேதி முதல் அக்டோபர் 7 ஆம் தேதி வரையிலும் தேர்வுகளை நடத்தவுள்ளன. இத்தேர்வுகள் அனைத்தும் ஆன்-லைன் முறையில் நடைபெறும் என்று தமிழக அரசு வெளியிட்டுள்ள அரசாணையில் தெரிவிக்கப்பட்டுள்ளது.