பாஜக வெற்றி: பிரதமர் மோடிக்கு ஓபிஎஸ் வாழ்த்து

உத்தரப்பிரதேச சட்டமன்ற தேர்தலில் பாஜக வெற்றிபெற்றுள்ளதை ஒட்டி, பிரதமர் மோடிக்கு, தமிழக முன்னாள் முதல்வர் ஓ.பன்னீர்செல்வம் வாழ்த்து தெரிவித்துள்ளார்.

உத்தரப்பிரதேசம், உத்தரகாண்ட் ஆகிய மாநிலங்களில் பாஜக அமோக வெற்றிபெற்று, ஆட்சியமைக்க உள்ளது. இதையொட்டி, தமிழக முன்னாள் முதல்வரும், பிரதமர் மோடியின் நெருங்கிய நண்பருமான ஓ.பன்னீர்செல்வம், அவருக்கு வாழ்த்துச் செய்தி அனுப்பியுள்ளார்.

அதில் அவர் கூறியுள்ளதாவது:

பாஜக.,வின் தற்போதைய வெற்றிக்கு எனது பாராட்டுகள் மற்றும் வாழ்த்துகளை தெரிவித்துக் கொள்கிறேன். இந்த வெற்றியின் மூலமாக, இந்திய அரசியல் வரலாற்றில் ஒரு புதிய சகாப்தம் படைக்கப்பட்டுள்ளது. அந்த சகாப்தம் மேலும் தொடர வேண்டும் என மீண்டும் ஒருமுறை நெஞ்சார வாழ்த்துகிறேன்.

இவ்வாறு ஓ.பன்னீர்செல்வம் தெரிவித்துள்ளார்.

OPS greet PM Modi for BJP victory in UP.