விரைவில் வருகிறது அம்மா 24x7 தொலைக்காட்சி

சென்னை: விரைவில் அம்மா டிவி என்ற பெயரில் 24 மணிநேரமும் ஒளிபரப்பாகும் தொலைக்காட்சி சேனல் தொடங்கப்பட இருப்பதாக தகவல் வெளியாகியுள்ளது.

ஓ.பி.எஸ்., தலைமையிலான அதிமுக அணியினர் அதிமுக புரட்சித் தலைவி அம்மா என்ற பெயரில் ஆர்.கே.நகர் இடைத்தேர்தலில் போட்டியிடுகின்றனர். அக்கட்சியின் வேட்பாளராக மதுசூதனன் நிறுத்தப்பட்டுள்ளார்.

இந்நிலையில், அந்த கட்சியினர் விரைவில் அம்மா டிவி என்ற பெயரில் புதிய தொலைக்காட்சி சேனல் ஒன்றை தொடங்க இருப்பதாக தெரியவந்துள்ளது.

ஓ.பி.எஸ். அணி சார்பில் 24 மணிநேரமும் ஒளிபரப்பாகும் டிவி சேனல் விரைவில் தொடங்கப்பட இருக்கிறது. இதற்கு அம்மா டிவி என்று பெயரிடப்பட முடிவாகிவிட்டது. ஜெயா டிவியில் இருக்கும் மூத்த பத்திரிகையாளர்களில் 2 பேர் இந்த சேனலுக்கு கவரப்பட்டுள்ளனர். அவர்களுக்கு இந்தச் சேனலில் முக்கியப் பொறுப்பு காத்திருக்கிறது என்று கூறப்படுகிறது.

மேலும், தொழிலதிபரான அரசியல்வாதி ஒருவரும் இந்த சேனலில் முக்கிய நிர்வாகப் பொறுப்பில் இருப்பார். நுங்கம்பாக்கத்தில் சேனலுக்கான அலுவலக இடம் தேர்வாகிவிட்டது. வருகிற ஏப்ரல் மாதத்திலிருத்து அம்மா டிவி ஒளிபரப்பு தொடங்கப்பட ஏற்பாடுகள் மும்மரமாக நடக்கிறது. என்று ஓபிஎஸ்க்கு நெருக்கமானவர்கள் மத்தியில் பேசப்படுகிறது.