பாஜக வேட்பாளர்களை முடிவு செய்ய தேர்தல் குழு கூட்டம்: பிரகாஷ் ஜவடேகர்

டெல்லி: வரும் தமிழக சட்டமன்ற தேர்தலில் போட்டியிடவுள்ள பாஜக வேட்பாளர்களை தேர்தெடுக்க பாஜக தேர்தல் குழு நாளை கூடவுள்ளதாக பாஜக தமிழக பொறுப்பாளர் பிரகாஷ் ஜவடேகர் தெரிவித்துள்ளார்.

இன்று செய்தியாளர்களிடம் பேசிய பிரகாஷ் ஜவடேகர் இதனை தெரிவித்தார். தேமுதிக-ம.ந.கூ. கூட்டணி அமைந்து விட்ட நிலையில், பாஜக தனித்து போட்டியிடவே பலத்த வாய்ப்புள்ளதாக கருதப்படுகிறது. கடந்த இரண்டு நாட்களுக்கு முன்பு செய்தியாளர்களிடம் பேசிய தமிழக பாஜக தலைவர் தமிழிசை சவுந்திரராஜன், 'பாஜக தனித்து போட்டியிடவும் தயார்' என்று தெரிவித்திருந்தது குறிப்பிடத்தக்கது.

இதனிடையே, தேமுதிக-ம.ந.கூ. கூட்டணி மக்களுக்கு பயனளிக்காது என்று மத்திய இணையமைச்சர் பொன். ராதாகிருஷ்ணன் தெரிவித்துள்ளார்.