வண்டலூர் உயிரியல் பூங்கா விலங்குகளுக்கு நோய் தொற்று மிகக் குறைவு; ஆய்வில் தகவல்!

சென்னை: பிற உயிரியல் பூங்காக்களை ஒப்பிடுகையில், வண்டலூரில் நோய் தொற்று மிகக் குறைவு எனத் தெரியவந்துள்ளது.

சென்னை வண்டலூர் உயிரியல் பூங்காவில் இருக்கும் விலங்குகள், ஆரோக்கியமான சுற்றுச்சூழலில் வசித்து வருகின்றன. இது கிண்டி சிறுவர்கள் பூங்கா, வேலூர் அமிர்தி பூங்கா ஆகியவற்றை விட, மிகவும் மேம்பட்ட நிலையில் இருக்கிறது.

வண்டலூர் உயிரியல் பூங்காவில் இருக்கும் விலங்குகளுக்கு மிகக்குறைந்த அளவிலேயே நோய்த் தொற்று உள்ளது. இது பிற பூங்கா விலங்குகள், சுதந்திரமாக சுற்றித் திரியும் விலங்குகளின் நிலையை விட, சிறப்பானதாக இருக்கிறது.

விலங்குகள் நல நிறுவன இயக்குநர் சேகர் குமார் நிராஜ் டைம்ஸ் ஆப் இந்தியாவிற்கு அளித்த பேட்டியில், மூன்று பூங்காக்களில் உள்ள விலங்குகளிடம் இருந்து 200 கழிவு மாதிரிகள் சேகரிக்கப்பட்டன. இதில் மேற்கொள்ளப்பட்ட ஆய்வில் குறைந்த நோய்த்தோற்று இருப்பது கண்டறியப்பட்டது.

இதற்கு முக்கிய காரணம் பூங்காவைச் சுற்றிலும் சுகாதாரமான நிலை, தொடர்ச்சியான மருத்துவ பரிசோதனை, விலங்குகளின் உடல்நிலை தொடர் கண்காணிப்பு ஆகியவையே ஆகும். இருப்பினும் உயிரியல் பூங்காக்களில் முறையான கவனிப்பு, நோய் ஆராய்தல், மேம்படுத்தப்பட்ட சுகாதார வசதி, உணவு ஆகியவை கடைபிடிக்க வேண்டும் என்றார்.

Parasite load in Vandalur zoo animals very low, study finds.