மார்ச் மாதமே முடியல; அதற்குள் ஏப்ரலில் தயாரிக்கப்பட்டதாக விற்கப்படும் ஆயுர்வேத தயாரிப்புகள்!

மாரச் மாதம் இன்னும் முடியவில்லை. ஆனால், தயாரிப்பு தேதியில் ஏப்ரல் 2018 என்று போட்டு தனியார் ஆயுர்வேத தயாரிப்பு பொருட்கள் விற்பனைக்கு வந்துள்ள சம்பவம் அதிர்ச்சியடையச் செய்துள்ளது.

பெரும்பாலான மக்கள் கடைகளில் வாங்கும் பொருட்களை அதன் தயாரிப்பு தேதி, காலாவதியாகும் தேதி போன்றவை பாரத்து வாங்குவதில்லை. இதனால், சில காலாவதியான பொருட்களை உபயோகிக்கும் போது, பல்வேறு விளைவுகள் ஏற்படுகிறது. குறிப்பாக மருந்து பொருள் மற்றும் உணவுப்பொருட்களில், காலாவதி தேதி என்பது மிகமிக முக்கியமாகும்.



இந்நிலையில், பிரபல தனியார் ஆயுர்வேத தயாரிப்பு நிறுவனத்தின் மருந்து பொருள் ஒன்றின் தயாரிப்பு தேதியில், ஏப்ரல் 2018 என்று பிரசுரம் செய்யப்பட்டுள்ளது. மார்ச் மாதமே முடியவில்லை, ஆனால், அதற்குள்ளாக ஏப்ரலில் தயாரித்தது என்று அச்சடிக்கப்பட்டுள்ளதைக் கண்ட வாடிக்கையாளர், அதனை புகைப்படம் எடுத்து தனது ஃபேஸ்புக் பக்கத்தில் பதிவிட்டுள்ளார்.

மேலும், பொருட்களை வாங்கும் போது, தயாரிப்பு தேதி, காலாவதியான தேதி ஆகியவற்றை பார்த்து வாங்குமாறும் கேட்டுக்கொண்டுள்ளார்.