கிளம்பியது பிகில் படத்திற்கு எதிர்ப்பு.! போஸ்டரை கிழித்து வியாபாரிகள் சங்கம் போராட்டம்..

அட்லீ இயக்கத்தில் விஜய் நடித்துள்ள படம் தீபாவளி அன்று வெளியாக உள்ளது. கடந்த 19 ஆம் தேதி இந்த படத்தின் இசை வெளியீட்டு விழாவை சென்னையில் பிரமாண்டமாக நடத்தினர். வழக்கம் போல இசை வெளியீட்டு விழாவில் நடிகர் விஜய் பேசிய பேச்சு தமிழக அரசியலில் சலசலப்பை ஏற்படுத்தி வருகிறது.

பொதுவாக ஒவ்வொரு முறையும் விஜய் படத்தின் போஸ்டர் வெளியாகும் போதெல்லாம் எங்கோ ஒரு இடத்திலிருந்து ஏதோ ஒரு எதிர்ப்பு கிளம்புவது வழக்கம். எனினும் பிகில் பத்தினி போஸ்டர் வெளியாகி இத்தனை நாளாகியும் எந்தவித சர்ச்சையும் எழும்பவில்லை. ஆனால் கோவை மாவட்டத்தில் இறைச்சிக் கடை உரிமையாளர்கள் பிகில் போஸ்டரை கிழித்து போராட்டம் நடத்தியுள்ளனர்

அந்த மனுவில், பிகில் போஸ்டரில் விஜய் கறி வெட்டும் கட்டையின் மீது செருப்பு காலுடன் இருப்பது, இந்தியா முழுவதும் உள்ள இறைச்சிக் கடை உரிமையாளர்களை அவமதிப்பதாகக் கூறப்பட்டுள்ளது. கலெக்டரிடம் மனு அளிப்பதற்கு முன்பதாக பிகில் போஸ்டரை கிழித்து போராட்டம் நடத்தியுள்ளனர்.

இந்த போராட்டம் அப்பகுதியில் உள்ள கறிக்கடை உரிமையாளர் கோபால் தலைமையில் நடந்துள்ளது. மேலும் திரைப்படம் வெளியாகுவதற்கு முன்பு சம்மந்தப்பட்ட காட்சிகளை நீக்க வேண்டும் எனவும் ஏ.ஜி.எஸ் நிறுவனத்திடம் வலியுறுத்தி இந்த மனு அளிக்கப்பட்டுள்ளது.

ஒவ்வொரு நாளும் தொழிலைத் தொடங்குவதற்கு முன்பு கறி வெட்டும் கட்டையை நாங்கள் வணங்கி வருகிறோம். ஆகையால் உடனடியாக எங்களது மனுவை ஏற்று நடவடிக்கை எடுக்க வேண்டும் என முதலமைச்சர் மற்றும் துணை முதலமைச்சர் ஆகியோரை கேட்டுக்கொள்கிறோம் என அந்த மனுவில் கூறப்பட்டுள்ளது.