பாஜக பிரமுகர் வீட்டில் பெட்ரோல் குண்டு வீச்சு; உடைந்து சிதறிய கண்ணாடிகள்

தேவகோட்டை: பாஜக பிரமுகர் வீட்டில் வீசப்பட்ட பெட்ரோல் குண்டுகளைத் தொடர்ந்து, போலீசார் விசாரித்து வருகின்றனர்.

சிவகங்கை மாவட்டம் தேவகோட்டை சரஸ்வதி வாசக சாலை தெருவைச் சேர்ந்தவர் முத்துராமன்(58). அவர் பாஜக தமிழ் வளர்ச்சிக் குழு மாநிலச் செயலராக பணியாற்றி வருகிறார். இவருக்கு மர்மநபர்கள் சிலர், கடந்த சில நாட்களுக்கு முன்பு கொலை மிரட்டல் விடுத்திருந்தனர். அதுதொடர்பாக போலீசில் அளிக்கப்பட்ட புகாரை அடுத்து, பாதுகாப்பு போடப்பட்டது. இதையடுத்து எந்தவித அச்சமும் இல்லாத நிலையைத் தொடர்ந்து, பாதுகாப்பு விலக்கி கொள்ளப்பட்டது.

இந்நிலையில் இன்று அதிகாலை மர்மநபர்கள் சிலர் முத்துராமன் வீட்டிற்கு வந்துள்ளனர். அவர்கள் வீட்டின் மீது பெட்ரோல் குண்டுகள் வீசிச் சென்றனர். அதில் கண்ணாடி ஜன்னல்கள் உடைந்து சிதறின. உடனடியாக போலீசாருக்கு அளிக்கப்பட்ட புகாரை அடுத்து, விசாரணை நடத்தப்பட்டு வருகிறது. பெட்ரோல் குண்டு வீசப்பட்டதை தொடர்ந்து, அவரது வீட்டிற்கு மீண்டும் பாதுகாப்பு போடப்பட்டுள்ளது.

Petrol bombs hurled at a local BJP functionary's house in Devakottai.