நேற்று வேதியியல் வினாத்தாள் லீக்! இன்று அதே வினாத்தாளில் தேர்வு!!

பேஸ்புக், வாட்ஸ்அப் மூலம் பிளஸ் 2 வேதியியல் தேர்வு வினாத்தாள் லீக்கான நிலையில், இன்று அதே வினாத்தாள் கொண்டு அரையாண்டு தேர்வு நடத்தப்படுகிறது.

தமிழகம் முழுவதும் உள்ள அரசு மற்றும் அரசு உதவி பெறும் பள்ளிகளில் கடந்த 10ம் தேதி முதல் அரையாண்டுத் தேர்வு நடந்து வருகிறது. இந்நிலையில், பிளஸ் 1 ம்றறும் பிளஸ் 2 தேர்வு வினாத்தாள்கள் தேர்வுகள் நடப்பதற்கு முன்பே சமூக வலைதளங்களில் வெளியானது. கணிதம் உயிரியல், இயற்பியல், என அடுத்தடுத்து வினாத்தாள்கள் வெளியானாதால், மாணவர்கள் அதனை பதவிறக்கம் செய்து தேர்வுக்கு தயாராகினர். இதனால் அதிர்ச்சியடைந்த பள்ளிக்கல்வித்துறை வினாத்தாள்களை மாற்றும் முயற்சியில் இறங்கியது.
(அரையாண்டுத் தேர்வு அட்டவணை)
இதனையடுத்து, இன்று நடைபெறவுள்ள வேதியியல் பாடத்துக்கான வினாத்தாள் நேற்று பேஸ்புக், வாட்ஸ்அப் உள்ளிட்ட சமூகவலைதளங்களில் வேகமாக பரவியது. ஆனால், அது அரையாண்டுத் தேர்வு வினாத்தாள் இல்லை என்று கல்வித்துறையினர் புறக்கணித்தனர்.

இந்நிலையில், நேற்று சமூகவலைதளங்களில் லீக்கான அதே வேதியியல் வினாத்தாள் கேள்விகள் தான், இன்று தேர்வுகளில் கேட்கப்பட்டுள்ளது. இரண்டு வினாத்தாளும் ஒன்று தான் என்பதால் அதிர்ச்சியை ஏற்படுத்தியுள்ளது. வினாத்தாளை கசியவிட்டவர்கள் யார் என்பது குறித்தும் அவர்கள் மீது அரசு உரிய நடவடிக்கை எடுக்க வேண்டும் என்றும் சமூக ஆர்வலர்கள் தெரிவித்துள்ளனர்.