மோடி முதல் ரஜினி வரை: குவியும் பொங்கல் வாழ்த்துகள்!

தமிழர் திருநாளாம் பொங்கல் பண்டிகையை முன்னிட்டு இன்று பல்வேறு தலைவர்களும், பிரபலங்களும் தங்களின் வாழ்த்துக்களைப் பகிர்ந்து வருகின்றனர்.

பிரதமர் மோடி

பிரதமர் மோடி தன் டிவிட்டர் பக்கத்தில் தமிழில் பொங்கல் வாழ்த்துக்களைத் தெரிவித்துள்ளார்.

அவர் தனது ட்விட்டர் பக்கத்தில், “தமிழகத்தின் எழுச்சிமிக்க கலாச்சாரமாக பொங்கல் திகழ்கிறது. உலகெங்கும் உள்ள தமிழருக்கு என் பொங்கல் வாழ்த்துக்கள். இயற்கையுடனான நமது பிணைப்பும், நம் சகோதரத்துவ உணர்வும் இன்னும் ஆழமாவதற்கு நான் பிராத்திக்கிறேன்' எனத் தெரிவித்துள்ளார்.
இரவில் ரோட்டில் இறங்கிய முதல்வர் ஸ்டாலின்: திடீர் ஆய்வு!
தமிழ்நாடு முதல்வர் மு.க.ஸ்டாலின்

முதல்வர் மு.க.ஸ்டாலின் ட்விட்டர் பதிவில் வெளியிட்டுள்ள வாழ்த்து செய்தியில், “தமிழ் மக்கள் அனைவருக்கும் எனது இனிய தமிழர் திருநாள், தமிழ் இனநாள், பொங்கள் மகிழ்நாள் நல்வாழ்த்துகள்.தமிழகத்தில் திமுக ஆட்சி மலர்ந்து கொண்டாடும் முதல் பொங்கல் திருநாளில் மேலும் மேலும் தமிழ்நாட்டை மேன்மையுறச் செய்யும் ஊக்கத்தைப் பெறுகிறேன். உங்கள் அன்பால் ஊக்கத்தை உழைப்பாய் மாற்றிவிடுவேன்” என்று குறிப்பிட்டுள்ளார்.

மத்திய உள்துறை அமைச்சர் அமித் ஷா

அமித்ஷா தனது ட்விட்டர் பதிவில் வெளியிட்டுள்ள வாழ்த்து செய்தியில், “அனைத்து தமிழ் நண்பர்களுக்கும் பொங்கல் நல்வாழ்த்துகள். இந்த மங்களகரமான திருநாள் அனைவரது வாழ்விலும் அளவற்ற மகிழ்ச்சியையும், நல்லிணக்கத்தையும் நல்ல ஆரோக்கியத்தையும் வழங்கட்டும்” என்று அமித்ஷா தமிழில் வாழ்த்து தெரிவித்துள்ளார்.
உதயநிதி Vs கனிமொழி: திமுகவில் நம்பர் 2 யார்? ஆரம்பமான அதிகார போட்டி!
நடிகர் ரஜினிகாந்த்

நடிகர் ரஜினிகாந்த் இன்று போயஸ் கார்டனில் உள்ள தன் இல்லத்தில் ரசிகர்களைச் சந்தித்து வாழ்த்துக்களைக் கூறினார். அவர் தனது ட்விட்டர் பக்கத்தில், “எல்லாருக்கும் வணக்கம், கஷ்டமான ஆபத்தான சூழ்நிலையிலே வாழ்ந்திட்டிருக்கோம். கொரோனா தொற்று நாளுக்கு நாள் அதிகமாயிட்டு இருக்கு. எல்லா கட்டுப்பாடுகளையும் கடைபிடிங்க. ஆரோக்கியத்திற்கு மிஞ்சினது எதுவும் கிடையாது. எல்லாருக்கும் என்னுடைய பொங்கல் நல்வாழ்த்துக்கள்” எனத் தெரிவித்துள்ளார்.