லஞ்சப்புகார்: அண்ணா பல்கலை. முன்னாள் துணைவேந்தர் சொத்துக்கள் பறிமுதல்

பேராசிரியர் நியணத்தில் முறைகேடு செய்ததாக அண்ணா பல்கலைக்கழகத்தின் முன்னாள் துணைவேந்தர் ராஜாராம் மீது லஞ்ச ஒழிப்புத்துறை போலீசார் வழக்குப் பதிவு செய்து, சொத்துக்களை பறிமுதல் செய்தனர்.

கடந்த 2013-16 ஆண்டில் அண்ணா பல்கலைக்கழகத்தில் துணை வேந்தராக பணிபுரிந்தவர் ராஜாராம். இவர் தன்னுடைய பணிக்காலத்தில், லஞ்சம் பெற்றுக் கொண்டு பேராசியர்களை நியமனம் செய்ததாக புகார் தெரிவிக்கப்பட்டுள்ளது.

இதன் அடிப்படையில், இன்று (சனிக்கிழமை) இரவு ராஜாராமின் வீடு உள்பட 7 இடங்களில் லஞ்ச ஒழிப்பு போலீசார் சோதனை நடத்தினர். மேலும், இவ்வாறு நடத்தப்பட்ட அதிரடி சோதனையில், சென்னை மற்றும் தேனியில் இருந்து 20 கோடி ரூபாய் மதிப்புள்ள சொத்துக்கள் மற்றும் 65 ஆவணங்கள் பறிமுதல் செய்யப்பட்டதாக செய்திகள் வந்துள்ளன.