என்னது ஹெச்.ராஜாவுக்கு ஆளுநர் பதவியா?

பாஜகவின் புதிய நிர்வாகிகள் பட்டியல் இன்று வெளியிடப்பட்டது. கட்சியின் துணைத் தலைவர்கள், தேசியச் செயலாளர்கள், தேசிய பொதுச் செயலாளர்கள், செய்தி தொடர்பாளர்கள் உள்ளிட்ட பல்வேறு பதவிகளுக்கு புதிய நிர்வாகிகளை நியமித்து, அவர்களின் பெயர் பட்டியலை கட்சியின் தலைவர் ஜே.பி.நட்டா வெளியிட்டிருந்தார்.

இந்தப் பட்டியலில் தமிழகத்தைச் சேர்ந்த பாஜகவின் மூத்த தலைவர்கள் ஒருவரின் பெயர் கூட இடம்பெறாதது அக்கட்சித் தொண்டர்களை அதிர்ச்சியடைய செய்துள்ளது என்றுதான் சொல்ல வேண்டும். அத்துடன் தேசியச் செயலாளர் பதவியில் இருந்துவந்த ஹெச். ராஜா அந்தப் பொறுப்பில் இருந்து விடுவிக்கப்பட்டுள்ளது பாஜகவினரை இன்னும் அதிர்ச்சியில் ஆழ்த்தியுள்ளது.

கட்சியின் தேசிய தலைமையின் இந்த அதிரடி நடவடிக்கை குறித்து, அரசியல் விமர்சகரான முனைவர் ராமசுப்ரமணியம், டைம்ஸ் ஆஃப் இந்தியா சமயம் தமிழுக்கு அளித்த பிரத்யேக பேட்டியில் கூறியது:

பாஜக புதிய நிர்வாகிகள் நியமனம்: ஹெச்.ராஜா உள்பட தமிழகக்தில் இருந்து யாருக்கும் இடமில்லை!

பாஜக தேசியச் செயலாளராக பதவி வகித்துவந்த ஹெச்.ராஜாவுக்கு, அதனைவிட அதிகாரம் வாய்ந்த தேசிய பொதுச் செயலாளர் பொறுப்பு அளிக்கப்படும் என்று எதிர்பார்க்கப்பட்டது. ஆனால், தேசியச் செயலாளர் பொறுப்பில் இருந்தே அவர் விடுவிக்கப்பட்டுள்ளார் என்பது பாஜகவினருக்கு சற்று அதிர்ச்சியாகதான் இருக்கும்.

அதேசமயம், கட்சியின் தேசிய செயற்குழு உறுப்பினர் பட்டியல் இன்னும் வெளியாகவில்லை. விரைவில் வெளியாகும் என்று எதிர்பார்க்கப்படும் தேசிய செயற்குழு உறுப்பினர் பட்டியலில் ராஜாவின் பெயர் இடம்பெறலாம்.

இல்லையெனில், ஆர்எஸ்எஸ், பாஜகவின் கட்சி வரலாறு, வளர்ச்சி போன்றவை குறித்து பயிற்சியளிக்கும் கௌரவ பதவி கூட அவருக்கு அளிக்கப்பட வாய்ப்புள்ளது. இவ்விரு பொறுப்புகளில் எதனை ராஜாவுக்கு கொடுத்தாலும், அது தேசியச் செயலாளர் அல்லது பொதுச் செயலாளர் பதவிக்கு ஈடாது.

தமிழகத்தில் அகில இந்திய சித்த மருத்துவ கழகம்; செவிசாய்ப்பாரா பிரதமர் மோடி!

மத்திய அமைச்சர் அல்லது ஏதேனுமொரு மாநில ஆளுநர் பதவி இவற்றில் எந்த பொறுப்பு ஹெச். ராஜாவுக்கு வழங்கப்பட வாய்ப்புள்ளதென கேட்டால், அவருக்கு மத்திய அமைச்சர் பதவி அளிக்கப்பட எந்தளவுக்கு சாத்தியம் இருக்கிறதென்று தெரியவில்லை.

ஆனால், ஏதேனுமொரு மாநில ஆளுநர் பதவி அவருக்கு அளிக்கப்பட வாய்ப்பு உள்ளது. காரணம் ராஜாவை விட வயதில் இளையவரான தமிழிசை சௌந்தரராஜனுக்கு தெலங்கானா மாநில ஆளுநர் பதவி அளிக்கப்பட்டுள்ள உதாரணம் பாஜகவில் உள்ளது. எனவே, ஹெச்.ராஜாவுக்கு ஆளுநர் பதவி அளிக்கப்பட வாய்ப்புள்ளது. இவரின் பெற்றோர் காலத்தில் இருந்தே இவரின் குடும்பம் ஆர்எஸ்எஸ் அமைப்பில் இருந்து வருவது ராஜாவுக்கு மிகப்பெரிய ப்ளஸ் பாயின்ட்.

தமிழிசை சௌந்தரராஜன் தமிழக பாஜக தலைவராக இருந்தபோதும் சரி, தற்போது எல்.முருகன் கட்சித் தலைவராக இருக்கும்போதும் சரி. சீரியர் என்ற முறையில் கட்சியின் மாநிலத் தலைமைக்கு கட்டுப்படாமல் தன்னிச்சையாக செயல்படுவது ஹெச். ராஜாவின் மிகப்பெரிய மைனஸ் பாயின்ட் என்று ராமசுப்ரமணியம் கூறினார்.