''பொரி உருண்டை'' பொன். ராதாகிருஷ்ணன்:விக்கிபீடியாவில் விஷமம்!!

நடிகர் விஜய் நடிப்பில் வெளியான மெர்சல் திரைபடத்தை மத்திய அமைச்சர் பொன். ராதாகிருஷ்ணன் விமர்சித்த நிலையில் அவரது பெயரை விக்கிபீடியாவில் பொரி உருண்டை ராதாகிருஷ்ணன் என்று யாரோ மாற்றியுள்ளனர்.

நடிகர் விஜய் நடிப்பில் மெர்சல் திரைப்படம் திரைக்கு வந்து வெற்றிகரமாக ஓடிக் கொண்டு இருக்கிறது. இந்தப் படத்தில் இடம் பெற்று இருக்கும் ஜிஎஸ்டி மற்றும் டிஜிட்டல் இந்தியாவுக்கான எதிர்ப்பான வசனங்கள் மேலும் இந்தப் படத்திற்கு வலு சேர்த்து இருப்பதுடன் நாடு முழுவதும் சர்ச்சையைக் கிளப்பியுள்ளது.

மெர்சல் படத்தை மத்திய இணை அமைச்சர் பொன் ராதாகிருஷ்ணன் விமர்சித்து இருந்தார். இதையடுத்து அவருக்கு எதிராக விஜய் ரசிகர்கள் சமூக வலைதளங்களில் பதிவுகளை இட்டு கலாய்த்து வந்தனர். இந்த நிலையில், அவரது விக்கிபீடியாவில் யாரோ விஷமத்தனமாக, ''பொரி உருண்டை பொன். ராதாகிருஷ்ணன்'' என்று பதிவிட்டு கலாய்த்துள்ளனர். இது சமூக வலைதளங்களிலும் தற்போது டிரண்டாகி வருகிறது.


Pori urundai Radhakrishnan: Name changed in his wikipedia