விஜயகாந்துக்கு கொரோனா வந்தது எப்படி? - பிரேமலதா விளக்கம்

கொரோனா நோய்த்தொற்று காரணமாக, தேமுதிக தலைவர் விஜயகாந்த், சென்னை மணப்பாக்கத்தில் உள்ள மியாட் மருத்துவமனையில் அனுமதிக்கப்பட்டுள்ளார். இந்த நிலையில், அவரது உடல்நிலை குறித்து, பிரேமலதா விஜயகாந்த் செய்தியாளர்களிடம் இன்று கூறியது:

வழக்கமான மருத்துவ பரிசோதனைக்கு சென்றபோது, விஜயகாந்துக்கு லேசான கொரோனா தொற்று இருப்பது கண்டறியப்பட்டது. இதனையடுத்து, மியாட் மருத்துவமனையிலேயே அவருக்கு சிகிச்சை பெற்று வருகிறார். பூரண உடல்நலத்துடன் உள்ள அவர் இன்னும் ஓரிரு நாளில் வீடு திரும்ப உள்ளார். அடுத்த வாரத்தில் இருந்து கட்சியின் மாவட்ட நிர்வாகிகளுடன் விஜயகாந்த் ஆன்-லைனில் ஆலோசனை நடத்த உள்ளார்.

தேமுதிக தொடக்கப்பட்ட தினத்தையொட்டி கடந்த மாதம் 24 ஆம் தேதி, கட்சித் தலைமை அலுவலகத்தில் நடைபெற்ற நிகழ்ச்சியில் விஜயகாந்த் பங்கேற்றார். அதற்கு முன்பும், பின்பும் எந்த நிகழ்ச்சியிலும் அவர் பங்கேற்கவில்லை. எங்கள் இல்லத்துக்கு பக்கத்து வீட்டில் ஏழு பேருக்கு கொரோனா நோய்த்தொற்று உறுதி செய்யப்பட்டுள்ளது. லயதின் காரணமாக, அவர்கள் மூலம் விஜயகாந்துக்கு தொற்று ஏற்பட்டதா என்று தெரியவில்லை.

விஜயகாந்த் எப்படியிருக்கார்? - நலம் விசாரித்த ரஜினி!

இந்த தொற்று உலகில் யாருக்கு வேண்டுமானாலும் ஏற்படலாம் என்பதால், நாம் அனைவரும் கவனமாக இருக்க வேண்டும். விஜயகாந்தின் உடல்நிலை குறித்த தேமுதிக கட்சியின் அறிக்கையிலும், மியாட் மருத்துவமனை வெளியிட்டுள்ள அறிக்கையிலும் முரண்பட்ட தகவல்கள் எதுவுமில்லை.

நாங்கள் அரசின் விதிமுறைகளை கண்டிப்பாக கடைபிடிப்பவர்கள் என்பதால், சாலிகிராமத்தில் உள்ள எங்கள் வீட்டின் முன், சென்னை மாநகராட்சி நிர்வாகம் கொரோனா ஸ்டிக்கர் ஒட்ட யாரும் தடைவிதிக்கவில்லை.

DMDK: தேமுதிக தலைவர் விஜயகாந்த் உடல்நிலை எப்படி இருக்கிறது? வெளியான முக்கிய அறிக்கை!

விஜயகாந்தின் உடல்நிலை குறித்து நலம் விசாரித்த முதல்வர் எடப்பாடி பழனிசாமி, துணை முதல்வர் ஓ.பன்னீர்செல்லம், எதிர்க்கட்சித் தலைவர் மு.க.ஸ்டாலின் உள்ளிட்ட அனைவருக்கும் நன்றி தெரிவித்துக் கொள்கிறோம் என்று பிரேதமலதா விஜயகாந்த் தெரிவித்தார்.