காதலர் தின அட்டைகளை கிழித்து, கோவையில் இந்து அமைப்பினர் ஆர்ப்பாட்டம்!

கோவை: காதலர் தினத்திற்கு எதிராக கோவையில் ஆர்ப்பாட்டம் நடைபெற்றது.

வரும் 14ஆம் தேதி, காதலர் தினம் கொண்டாடப்படுகிறது. அந்நாளில் காதலர்கள் தங்களுக்குள் பரிசுப் பொருட்களை பரிமாறிக் கொள்வர்.

இதனால் காதலர் தின அட்டைகள், ரோஜா பூ, டெடி பியர் உள்ளிட்டவைகளின் விற்பனை களைகட்டும். மேலும் பூங்கா, கடற்கரை, திரையரங்கம் என காதலர்கள் கூட்டம் அலைமோதும்.

இந்நிலையில் காதலர் தினக் கொண்டாட்டத்திற்கு எதிர்ப்பு தெரிவித்து, கோவை ஆட்சியர் அலுவலகம் முன்பு பாரத் சேனா அமைப்பினர் ஆர்ப்பாட்டத்தில் ஈடுபட்டனர்.

அப்போது காதலர் தின அட்டைகளை கிழித்து, தங்கள் எதிர்ப்பை பதிவு செய்தனர்.

மேலும் காதலர் தினம் என்ற பெயரில் அநாகரிமான செயலில் ஈடுபடுவோர் மீது நடவடிக்கை எடுக்கக் கோரியும், காதலர் தினத்தை தடை செய்யக் கோரியும் வலியுறுத்தினர்.

Protestors tore the Lovers day cards in Coimbatore.