புதுவை மருத்துவக் கல்லூரி: 150 இடங்களுக்கு நடப்பு ஆண்டே மாணவர் சேர்க்கை

புதுக்கோட்டையில் புதிதாக உருவாகியுள்ள மருத்துவக் கல்லூரியில் 150 இடங்களுக்கான மாணவர் சேர்க்க இந்த ஆண்டு நடைபெறும் என்று அமைச்சர் விஜயபாஸ்கர் கூறியுள்ளார்.

புதுக்கோட்டையில் மருத்துவக் கல்லூரி கட்டுமானப் பணிகள் முடிவடைந்துள்ள நிலையில் அதனைத் விரைவில் திறக்க வேண்டும் என்று கோரிக்கை வைக்கப்பட்டு வந்தது.

இந்நிலையில் இன்று செய்தியாளர்களிடம் பேசிய தமிழக சுகாதாரத்துறை அமைச்சர் விஜயபாஸ்கர், புதுக்கோட்டையில் ரூ.250 கோடி மதிப்பீட்டில் கட்டப்பட்டு வந்த அரசு மருத்துவக் கல்லூரியின் கட்டுமான பணிகள் முழுவதும் நிறைவுபெற்றுவிட்டன என்று தெரிவித்தார்.

மேலும், இரண்டு வாரங்களில் புதுவை மருத்துவக் கல்லூரியை முதல்வர் எடப்பாடி பழனிச்சாமி திறந்து வைப்பார் என்றும் அவர் கூறினார்.

நடப்பு ஆண்டிலேயே புதுவை மருத்துவக் கல்லூரியில் 50 இடங்களுக்கான மாணவர் சேர்க்கை நடைபெறும் எனவும் அமைச்சர் விஜயபாஸ்கர் அறிவித்தார்.