சாலையில் மோதிக் கொள்ளும் அதிமுகவினர்: எடப்பாடியின் திட்டமா இது? புகழேந்தி சொல்வது என்ன?

அதிமுக தலைமையை கைப்பற்ற ஓபிஎஸ், இபிஎஸ் தரப்பினர் நீதிமன்றங்களில் மோதி வந்த நிலையில் தற்போது சாலைகளில் மல்லுகட்ட தொடங்கியுள்ளனர். நாற்காலிச் சண்டையில் எந்த பலனும் இல்லாத தொண்டர்கள் மோதிக்கொள்ள தூண்டிவிடப்படுகிறார்கள் என்று அதிர்ச்சி செய்திகள் வெளியாகி வருகின்றன.

எடப்பாடி பழனிசாமியின் தூண்டுதலின் பேரில் மோதல் உருவாக்க திட்டமிடப்படுவதாக ஓபிஎஸ் ஆதரவாளர் புகழேந்தி கூறியுள்ளார்.

இது தொடர்பாக செய்தியாளர்களைச் சந்தித்த புகழேந்தி, “கிருஷ்ணகிரி, தருமபுரி, சேலம் என கிட்டத்தட்ட 11 மாவட்டங்களில் மாவட்ட செயலாளர்கள் கூட்டம் நடைபெறுகிறது. ஆனால் எல்லா இடங்களிலும் சென்று ஓபிஎஸ் ஆதரவாளர்களை கொடியை கட்ட விடாதீர்கள் என்றும் காவல்துறையினருக்கு தவறான தகவல்களைக் கொடுப்பது போன்ற வேலைகளை எடப்பாடி பழனிசாமி செய்கிறார்.

திமுகவில் இணைகிறேனா? வைத்திலிங்கம் மறைமுகமாக சொன்ன பதில்!

எடப்பாடி பழனிசாமியும் நானும் மோதிக் கொள்ளலாம். பழனிசாமியும் பன்னீர்செல்வமும் மோதிக்கலாம். வழக்கு மன்றங்களில் கூட மோதிக் கொள்ளலாம். ஆனால் தொண்டனும் தொண்டனும் அடித்துக்கொள்ள வேண்டுமா? ரோட்டில் நின்று அண்ணா கொடி ஏந்திய தொண்டர்கள் அடித்துக்கொள்ள தூண்டிவிடுகிறார். இவர் அரசியல் கட்சித் தலைவரா?
மீண்டும் வேகம் காட்டும் பிடிஆர்: எங்கள் நோக்கம் இது தான் - சுளீர் பேச்சு!
பொதுக் கூட்டங்களுக்கு போகும் வழிகளில் எடப்பாடியில் ஆட்களை ரெடி செய்து கலாட்டா செய்ய ரெடியாக இருக்காராம். கேள்விப்பட்டோம். வந்தா கட்டிப் பாருங்கன்னு சொல்றாங்கனு சொல்லி மாவட்ட செயலாளர் ஃபோன் செய்கிறார். தொண்டர்கள் தொண்டர்கள் அடித்துக்கொள்ள வேண்டும் என்று கனவில் கூட நினைக்காதீர்கள். அது நடக்காது” எனக் கூறினார்.