தமிழகத்திற்கு மண்ணெண்ணெய் குறைப்பு: மத்திய அமைச்சர் பதில்!

தமிழகத்திற்கான மண்ணெண்ணெய் ஒதுக்கீடு குறைக்கப்பட்டதற்கு மத்திய பெட்ரோலிய அமைச்சர் தர்மேந்திர பிரதான் விளக்கம் அளித்துள்ளாா்.

மாநிலங்களவையில் திமுக எம்பி கனிமொழியின் கேள்விக்கு மத்திய பெட்ரோலிய துறை அமைச்சர் தர்மேந்திர பிரதான் பதில் அளித்தாா். தமிழகத்தில் சமயல் எரிவாயு பயன்பாடு 89.1 சதவிகிதமாக இருப்பதாகவும் மின் வினியோகம் 100 சதவிகிதமாக இருப்பதாகவும் அவர் குறிப்பிட்டார். இதன் அடிப்படையில் ரேஷன் கடைகள் மூலம் விநியோகிப்பதற்கான மண்ணெண்ணெய் ஒதுக்கீடு அளவு குறைக்கப்பட்டுள்ளதாக அமைச்சர் பிரதான் தெரிவித்தார்.

ரேஷன் கடைகளில் விநியோகிப்பதற்கான மண்ணெண்ணெயில் பற்றாக்குறை ஏற்பட்டால் மத்திய அரசிடம் விண்ணப்பித்து சந்தை விலையில் கூடிதலாக மண்ணெண்ணெய் பெறலாம் என்று அவர் கூறினார்.

2016 -2017 ஆம் ஆண்டில் 3 லட்சத்து 7 ஆயிரத்து 560 கிலோ லிட்டர் மண்ணெண்ணை மானிய விலையில் ஒதுக்கப்பட்டது. இந்நிலையில் இந்த ஆண்டு 2017-18 ல் இது 2 லட்சத்து 4 ஆயிரத்து 538 கிலோ லிட்டராக குறைக்கப்படுள்ளது.