தமிழகத்தில் இன்று இடியுடன் மழை பெய்யும்: வானிலை ஆய்வு மையம்

சென்னை: தமிழகத்தில் இன்று இடியுடன் மழை பெய்யும் என்று வானிலை ஆய்வு மையம் தெரிவித்துள்ளது.

கடலோர கர்நாடகம் மற்றும் தெற்கு உள் கர்நாடக பகுதிகளில் தென்மேற்கு பருவமழை தீவிரம் அடைந்து வருகிறது. இதனால் தமிழகத்தின் உள் பகுதிகளிலும், கடலோர பகுதிகளிலும் மழை பெய்து வருகிறது.

தமிழகத்தில் ஒரு சில இடங்களில் அடுத்த 24 மணி நேரத்தில் இடியுடன் கூடிய மழை பெய்யும் என்று சென்னை வானிலை ஆய்வு மையம் தெரிவித்து இருக்கிறது. சென்னையில், வானம் லேசான மேகமூட்டத்துடன் காணப்படும். நகரின் சில இடங்களில் மாலை அல்லது இரவு நேரத்தில் மழையோ அல்லது இடியுடன் கூடிய மழையோ பெய்யும்.

Rain possibility in few palces of Tamilnadu today says imd. Chennai also get light rain in some places.