“ரஜினிகாந்த் நல்லவர், கருணாநிதி, ஜெயலலிதா திருடர்கள்”

காந்திய மக்கள் இயக்கத் தலைவர் தமிழருவி மணியன் சமயம் தமிழுக்கு அளித்த பிரத்யேக பேட்டியின் தொகுப்பு இதோ.

ரஜினிகாந்த் அரசியலுக்கு வருவது குறித்து தமிழருவி மணியனின் கருத்துகள்:
எம்ஜிஆர், ஜெயலலிதா போலதான், ரஜினியும் மக்களை ஈர்க்கும் நடிகர். எம்ஜிஆர், ஜெயலலிதா அரசியலில் ஜொலித்ததை போலவே ரஜினியும் அரசியலில் மக்களை ஈர்க்கும் தலைவராக வலம் வருவார்.

ரஜினிகாந்த் முதல்வரானால்..?
ரஜினிகாந்த் முதல்வராகத் தேர்வு செய்யப்பட்டால், அவர் துறவியாக இருக்க வேண்டும். அப்படிதான் பலர் இருந்திருக்கிறார்கள். அப்படி துறவியாக இருந்தால், தமிழ்நாட்டில் நல்ல மாற்றத்தை உருவாக்க முடியும். பலர் இதை நடத்தி காட்டியிருக்கிறார்கள். பொதுச் சொத்தை திருட நினைப்பவர்கள் யாரும் முதல்வராக ஆகக் கூடாது.

இப்பிடியே போனா கடைய மூடிட்டு போகவேண்டிதான்... குமார் மங்களம் பிர்லா ஆதங்கம்!

கடந்த 50 ஆண்டுகளில் தமிழ்நாட்டை ஆட்சி செய்த கருணாநிதி, ஜெயலலிதா தொடங்கி இப்போதைய முதல்வர் பழனிசாமி வரை அனைவருமே நேர்மையற்றவர்கள். ஆனால், ரஜினிகாந்த் அப்படியல்ல, அவர் நல்ல மனிதர். ரஜினிகாந்த் அரசியலுக்குள் வரவதற்கு இந்த ஒரு தகுதி போதும்.

ரஜினிகாந்த் குடும்பம் மீதுள்ள புகார்கள்..?
முன்னாள் முதல்வர் கருணாநிதி குடும்பத்தில் உள்ளவர்கள் அனைவரும் ஆத்திகவாதி. கருணாநிதியால், தனது குடும்பத்திற்குள்ளே நாத்திகத்தைக் கொண்டு சேர்க்க முடியவில்லை. அதனால், ரஜினிகாந்த்தை அவரது குடும்பத்தை வைத்து முடிவு செய்யக் கூடாது.

ரஜினிகாந்த்திடம் செல்வம் என அனைத்தும் உள்ளது. இப்போது அரசியலுக்கு வந்துதான் அவர் செல்வாக்கை சம்பாரிக்க வேண்டும் என எதுவும் கிடையாது. இப்போதைய நேரத்தில் பலருக்கு அரசியல் என்பது தொழில். ஆனால், ரஜினியின் நோக்கம் அதுவல்ல.

ரஜினிகாந்த எந்த நிலைப்பாட்டில் இருக்கிறார்...
காமராஜர் ஆட்சி தேவை என்பதைதான் நான் ரஜினியை நேரில் சந்தித்த போதெல்லாம் அவரிடம் வலியுறுத்தினேன். 234 தொகுதிகளிலும் ரஜினிகாந்த் பூத் கமிட்டியை அமைத்து விட்டார். கட்சி, கொள்கை, திட்டங்கள், மாநாடு, மக்களை சந்தித்தால் என்ன சொல்வது என அனைத்தும் தயாராக உள்ளது.

அதிமுக அலுவலகத்துக்கு திடீர்னு வந்த கூட்டணிக் கட்சித் தலைவர்கள்... என்ன மேட்டரா இருக்கும்?!

தொடர்ந்து திரைப்படங்களும் நடிக்கிறாரே?
ரஜினிகாந்த் படத்தில் நடிக்க 45 நாட்கள் மட்டுமே. அதனால், சினிமாவால் பிரச்சினை ஏதுவுமில்லை. ரஜினிகாந்த்தும் நானும் சமூகப் பிரச்சினை சார்ந்து பேசுவோம். கடந்த 2 ஆண்டுகளாக இதைத்தான் நானும், ரஜினியும் பேசிக் கொண்டிருக்கிறோம்.

காலம் கடந்தாவது ரஜினிகாந்த் அரசியலுக்கு வந்துவிட்டார் என்பதை நான் மகிழ்ச்சியோடு பார்க்கிறேன். அவர் மனதளவில் 40 வயதே நிரம்பிய இளைஞர்.
இவ்வாறு அவர் கூறினார்.